ANU MOMPOLELE POTATAE NU TUMPU 1:6 - KITAB NU TUMPU ALLA LELE MA'IMAI'

⁶ Mombun tobungmo mokiijo' sasu salatan, lantas mamba mule' sasu utara, ia mintombusisi'mo lantas po ule'mo minsusule'.

ANU MOMPOLELE POTATAE NU TUMPU 1:6 ပူးပေါင်းရင်းမြစ်များ

AYUB 37:17

Madi', beleyum ola motusa' kalana napanasmo nu singit de dunia nupuhimo mae nu baleba' nu selatan.

AYUB 37:9

Lengkat mae i sasu selatan baleba' anu makansang hondo tinobungmo mae ka' lengkat mae i utara bakin nu baleba' talalomo hondo.

MAZMUR 107:25

Kalana palentah-Nyo tinobungmo na mombun makansang ka' nompotimbalimo bokon toto daka-daka'.

MAZMUR 107:29

Tambusisi' anu talalomo nakansang pinalentah-Nyomo da balentimo, iwi-iwi' na bokon tinendamo.

ANU MOMPOLELE POTATAE NU TUMPU 1:7

Kaunyo iwi-iwi mo'ili mokaiyong i ambai, panyo ambai madi' ko kabuke'annyo. Ueenyo po ule' mule' minsusule' matanyo, lantas po ule' mule' mae mo'ili.

ANU MOMPOLELE POTATAE NU TUMPU 11:5

Tumpu na nompotimbali iwi-iwi' anu idunia aiya; ka' manusia madi' monsumbu' apaa na anu binau-Nyomo, sumo aitu mule' ia madi monsumbu' kantumuu'an anu salaje mae jadi i uno nu ma'alum nu samian na totina.

YUNUS 1:4

I Yunus nintatau'mo kaiyong mae sasu lunasa'nyo ka' kino mamale'mo ikaiyong, lantas ihoyotmo bobobogon. Lapas aijo' Tumpu nompotokamo mae antong anu makansang hondo i ambai ka' jinadimo na antong anu makansang hondo aijo' nontintip kapan aijo' sahingga kiniboli' ihansunmo. To mia-mian pangalaja nu kapan nabuhukmo hondo ka' lewa'mo noloboo' na aha toto samian momoita tulung hi posi-posi pilogot nu aha. Da mongkulangi bahaya dumo tompu, pinaha lumbu'akonmo i ambai na to bala-balang anu pinosake'.

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

MATIUS 7:27

Tempo'nyo ujan tudun, ka' iaba' toka tiba mombun makansang montintip laigan aijo', laigan aijo' motua'. Ka' ka'idekannyo talalo hondo!”

YOHANES 3:8

Mombun lumap pa' moya na nu kahanda'i; ohongonto na onyi'nyo, panyo madi' osumbu'to pa' iyamae na pinolengkatannyo, ka' pa' moya na kalambanannyo. Sumo aijo'mo na anu ohampeakon nu Roh nu Tumpu.”