ANU MOMPOLELE POTATAE NU TUMPU 1:2 - KITAB NU TUMPU ALLA LELE MA'IMAI'

² Anu saja' Bapikin notatae; iwi-iwi' palasuma' madi' ko gunanyo! Kantumuu'an aijo' palasuma' iwi-iwi aijo' madi' ko alati'nyo.

ANU MOMPOLELE POTATAE NU TUMPU 1:2 ပူးပေါင်းရင်းမြစ်များ

AYUB 11:12

De keledai tinanyo ma'ela monganakmo anaknyo manyaam, yo sumo aitumo na mian ponga' timbalimo pande ka' mangalati'.

MAZMUR 144:4

Mian aijo' ola susumo mombun saimpotulu, susumo lolung motulu, sumomo aijo' na kantumuu'annyo.

MAZMUR 89:47

Hipian na kopinnyo na Belento madi'mo mae manintoa o, Tumpu? Hipian na kopinnyo na Belento motambuha' anu sumomo apu na komoaknyo?

ANU MOMPOLELE POTATAE NU TUMPU 11:10

Bolimo daagi bata-bata ka' mongoa'i susa' i uno nu kinyonyoa nu belemiu kalana ka umolitauan tiba kalangkoyangan nu belemiu malia' hondo tombo liu.

ANU MOMPOLELE POTATAE NU TUMPU 11:8

Tionyo ahi' beleyum montalima kase; de mintuangmo na umun nu beleyum. Panyo o inau' ahi'; maumo beleyum pin na tumuu' i dunia, lebe mule' ahi' pin na tempo'nyo i uno nu dunia kapatean. Jadi apaa na anu daagi otaha imani? Iwi-iwi' palasuma' ka' madi'mo ko gunanyo.

ANU MOMPOLELE POTATAE NU TUMPU 12:8

Aku notatae, memang iwi-iwi' aijo' madi' ko gunanyo, iwi-iwi' ola palasuma madi' ko ala-alati'nyo.

ANU MOMPOLELE POTATAE NU TUMPU 2:11

Panyo imihinyo mae pagala ahi' ku selidiki na kalajangku iwi-iwi', ka' mule' lawengku iwi-iwi' kahanda' mompomingkot kalaja aijo', saba' sinumbu'kuje na iwi-iwi' aijo' taalu' madi' ahi' ko gunanyo. Usahangku aijo' madi' ko gunanyo ola susumo mololoi' mombun,

ANU MOMPOLELE POTATAE NU TUMPU 2:15

Sahingga binapikinmo na aku, ‘Nasib anu mongkona aha mian anu ponga' timbali ku oa'i suele. Jadi apaa na gunanyo na kapandeanku bapikin?’ Lantas tinolukumo kodo-kodo' taalu' ilimu' aijo' totu-totu'u madi' ahi' ko gunanyo.

ANU MOMPOLELE POTATAE NU TUMPU 2:17

Kalana aijo' kantumuu'an madi'mo ko gunanyo hi belengku, madi'mo ko sangga'atannyo. Iwi-iwi' madi'mo ko gunanyo aku ola ahi' taalu' mololoi' mombun.

ANU MOMPOLELE POTATAE NU TUMPU 2:19

Ka' ihe na monsumbu' pa' ia anu pande kabai anu ponga'? Panyo maumo pa' mosia ia ahi' na timbali montumpui hasin nu kalajangku anu bibinaungkumo tempo'nyo tinumuu' i dunia aiya, salaku balakat nu lawengku tiba kapandeanku bapikin. Jadi aijo' suele madi' ahi' ko gunanyo.

ANU MOMPOLELE POTATAE NU TUMPU 2:21

Saba' manusia bakalaja talalo makeke kalana mompake kapandean bapikin, ilimu', pangatahuan ka' pande na mombau apa-apaa anu nu palalui. Panyo imihinyo mae ia tionyo ahi' mompala'i iwi-iwi' hasin nu lawenyo hi mian anu madi' hondo-hondo kino lisongunyo i han aijo'. Jadi aijo' suele madi' ahi' ko gunanyo ka' mule' ahi' madi' adin!

ANU MOMPOLELE POTATAE NU TUMPU 2:23

Maumo apaa na anu binaunyomo tempo'nyo daagi ia tutuu' ola saja' ia sinansala ka' noko pa idekan kinyonyoanyo. Maumo pihi kinyonyoanyo suele ma' idekan ahi'. Jadi iwi-iwi' aijo' madi' ko gunanyo.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

ANU MOMPOLELE POTATAE NU TUMPU 2:8

Ingalangkumo na salaka tiba mosoni' hasin anu ingala hi to tomu-tomundo' lengkat mae hi lipu-lipu' anu ku palentah. Anu togu manyanyi mo'ane kabai boune nomposanangmo kinyonyoangku nu nyanyian-nyanyian nu aha. Konjoo'nyo nu to amba-amba hue'ku yayamo na anu ku ka'ima'i.

ANU MOMPOLELE POTATAE NU TUMPU 3:19

Mau mosiamo na nasib nu manusia ka' binatang pokakanamo. Sa'angu' timbali ahi' mate sumo aitu mule' sangga'at. Ohu-ohua' pokakanamo anu binau nu Tumpu. Jadi manusia madi' lebe untung molingkudui binatang kalana ohu-ohua' aitu kantumuu'annyo madi' ko gunanyo.

ANU MOMPOLELE POTATAE NU TUMPU 4:16

Mian da'isan anu nu palentah ugaat madi' opokolekeng na konjoo'nyo, panyo de ia nambamo, madi' ko anu montalima kase monginau' tempo'nyo ia daagi' mokalaja. Memang iwi-iwi' madi' kogunanyo susumo usaha mololoi' mombun.

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 5:10

Mompaka panjoo' na kakaya'an nu toto samian, mompaka panjoo' na mian sangga'at anu tionyo ahi' obee'i mongkaan. Madi' ko ka untungan nu tumpunyo ola nu sumbu' ia mian anu kaya.

ANU MOMPOLELE POTATAE NU TUMPU 6:11

Lebe ia mombanta lebe madi' ko alati'nyo na potataenyo, ka' mule' ia madi' mohumpak ka untungan apa-apaa.

ROMA 8:20

Kalana dunia pinojohokmo da mojojoo', misa' kalana posi pongka'oho'nyo, panyo kalana Tumpu na mompojohok sumo aijo'. Mau mule' sumo aijo' daagi' ahi' ko anu otaha'imani aiya: