DANIEL 9:7 - KITAB NU TUMPU ALLA LELE MA'IMAI'

⁷ O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

DANIEL 9:7 ပူးပေါင်းရင်းမြစ်များ

EZRA 9:13

Kami binaladosa'mo ka' madi'mo nontapali atulan nu Belento ka' belento nohukumo kami. Panyo osumbu' mami, o Tumpu Allah mami, saba' hukuman anu binea'mo nu belento aijo' madi' pokakana na koboat-nyo tiba anu sabenannyo halus otalima mami padahan ola mule' ahi' pinosalamat nu Belento na kami.

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

MAZMUR 119:137

Belento adin, o, Tumpu iwi-iwi' na atulan nu Belento kinonamo hondo.

MAZMUR 44:15

Pinotimbalimo nu Belento na kami anu saja' osindin nu bansa-bansa; aha sola'mo maha lilokan na ubak ka' mompopo ambangmo mae kami.

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 45:16

Iwi-iwi' na mian anu nombaumo patong nu pilogot; opopo'ambangmo ka' o'alumo.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 32:32

kalana iwi-iwi' na palabuatan ma'idek anu binaumo nu aha mian Yehuda tiba Yerusalem tibamo to tomu-tomundo'nyo, mian anu kopangkatnyo toto tangka-tangkas ipamalentahan, to ima-imam, ka' to nabi-nabi nu aha.

YEREMIA 33:16

Aha mian nu Yehuda tiba anu jojoong i Yerusalem oposalamatmo ka' tumuu' madi'mo ko anu mompoposia. Kota' Yerusalem osanggohimo ‘Tumpu na Momposalamat Kita’.

YEREMIA 4:17

Ka' montumbuhimo Yerusalem susumo mian anu monjagai ale'. Iwi-iwi' aijo' jadi saidi' mae kalana bansa Yehuda notomuhukmo hi Tumpu. Tumpu notataemo.

YEREMIA 7:19

Panyo sabenannyo ahi' misa' Aku na nu sakiti nu aha panyo posi butong nu aha ahi' sahingga aha ma ambangmo.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

YEHEZKIEL 5:10

Tuuma tiba tinanyo mongkaanmo posi anaknyo ka' mule' anak mongkaanmo tuuma tiba tinanyo. Sumo aijo' na aha Ku hukum, ka' anu daagi' tumuu' Ku ga'a-ga'atakonmo oboa i iwi-iwi na tampat.

YEHEZKIEL 6:12

Aha iwi-iwi' mongoa'imo tambuha'-Ku anu taha-tahahumo. Aha tomia-mian anu majo'on kiijo' mae i pinomboan ka' pinompojoongan masakitmo lantas silakamo; anu aiya ohani silakamo kalana mahampate, ka' tuha'nyo silakamo kalana madi'mo ko anu okaan.

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

DANIEL 9:8

To tomu-tomundo' mami, to pola-polaya' tiba aha mompolee' mami nonombaumo hahan anu moko ambang ka' mule' binaladosa'mo hi Belento o, Tumpu.

AMOS 9:9

Ku palentahmo da o tapiimo na bansa Israel susumo mian montapii gandum i kiapan. Da o'alini iwi-iwi' na anu madi' ko gunanyo anu aijo' hi aha, Ku pokalangkabutmo na aha hi to bansa-bansa.

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.