DANIEL 9:5 - KITAB NU TUMPU ALLA LELE MA'IMAI'

⁵ Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

DANIEL 9:5 ပူးပေါင်းရင်းမြစ်များ

2 TOMU-TOMUNDO' 18:12

Samaria pinatundu'mo kalana mian nu Israel madi'mo nontuluti Tumpu, Tumpu Allah nu aha. Aha madi'mo montapali apaa na anu jinanji'mo nu Tumpu hi aha, ka' aha madi'mo nombau apaa na anu pinalentahkonmo i Musa posaihon nu Tumpu aijo' Madi'mo aha mongka'oho' mohongo-hongo ka' madi'mo kahanda' montuluti.

2 TOMU-TOMUNDO' 21:15

Iwi-iwi' aijo' Ku baumo hi mian anu pinalesayamo hi belengku kalana aha binaladosa'mo hi belengku ka' nonsaduakonmo sahingga tinambuha'an-Kumo lengkat pe'e hi mompolee' nu aha tempo'nyo nosabatmo lengkat mae i Mesir sampe sina uuka aiya.”

EZRA 9:6

Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

MAZMUR 106:6

Kami binaladosa'mo susumo mompolee' mami; kami nombaumo gau' anu ma'idek ka' pinalagantamo.

MAZMUR 119:102

Aku madi' mongkolilimi atulan nu Belento, kalana Belentomo na nompogulu' aku.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 18:21

Tumpu nombalosimo kalakuanku anu saja' totu'u na ku bau Ia nombalakatimo aku kalana aku madi' ko kasala'an.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YEREMIA 14:20

O Tumpu, ola-olanyomo ahi' hi Belento na kami binaladosa'mo. Kami mongakuimo posi dosa' mami tiba dosa' nu mompolee' mami

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 3:25

Jadi bakasmo da otanggungmo mami na ambang ka' bakasmo na kami da madi'mo kino angga'nyo. Kalana, kami tiba mompolee' mami binaladosa'mo hi Tumpu Allah mami, ka' madi'mo toho' tinulu-tulutan hi iwi-iwi' na palentah-Nyo.”

YEREMIA 30:14

Iwi-iwi' na anu mongka'ima'i beleyum nongkolilimimo beleyum; aha madi'mo daagi' mompotutugakon beleyum. Susumo sampobali' tinumbuhan-Kumo ka' nohukumo belemiu pinosansala hondo. Kalana nanjoo'mo na dosa' nu belemiu ka' dinakamo hondo na kasala'an nu belemiu.

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

MOHAANGI 1:20

O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

MOHAANGI 3:42

“Kami binaladosa'mo ka' notomuhukmo hi Belento, O Tumpu, ka' Belento madi'mo nongampuni mae.

YEHEZKIEL 5:6

Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

DANIEL 9:9

Belento saja' nongampuni ka' mule' nongkalibosi mae, maumo kami saja' panggaga hi belento.

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

MALEAKHI 3:7

Susumo mompolee' nu belemiu naipuan mae, belemiu suele iwi-iwi' madi'mo nompajuli iwi-iwi' na atulan-Ku, ka' mule nompojalan madi'mo nontuluti ima-ima'. Po ule'mo mae toka hi beleng-Ku da Aku suele tokaje mae hi belemiu. Panyo pinokilawamo nu belemiu, ‘Apaa na anu tionyo ahi' obau mami da po ule' mo toka mae hi Belento?’

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!