DANIEL 9:26 - KITAB NU TUMPU ALLA LELE MA'IMAI'

²⁶ De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

DANIEL 9:26 ပူးပေါင်းရင်းမြစ်များ

2 SAMUEL 21:5

Tinaaman nu aha, “I Saul tomundo' anu pinile'anmo nu Tumpu ko kahanda' mompateimo kami iwi-iwi' da kami madi'mo daagi' ko anu otoa hi aha Israel iwi-iwi'.

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

YESAYA 28:2

Tumpu monsaimo mamba hi aha samian anu mahoson ka' mule' baani. Ia toka mae sumo antong anu makansang hondo hingga-hinggat mae tiba ujan eis nu sumomo ahi ujan puhos ka' mule' iaba' anu timbali monganjuhakon. Kalana kabohosannyo nu lumbu'akonmo na aha mokiita' ikatano'an.

YESAYA 28:22

Aku nohongomo kaputusan nu Tumpu Anu Matangkas na Kuasanyo ka' mule' Anu Daka' na Kuasanyo monsilakaimo iwi-iwi' na lipu'. Boli mompisala'i potatae anu bau pompo'ingat, anu pinotokangkumo aiya. Dumo lebe momposusa' mule' belemiu koko kahanda'mo momposalamat butong nu belemiu!

YESAYA 53:8

Ia tinahanmo ka' pinutusanmo na palakalanyo lantas i hela'mo ka' i hukumo nu hukuman mate. Madi'mo ko anu nompajuli nasibnyo; ia i nate kalana dosa' nu bansanto.

YESAYA 8:7

Kalana aijo' Aku, Tumpu mompotokamo mae tomundo' nu aha Asyur tiba iwi-iwi' na suludadunyo da montumbuhimo Yehuda. Aha montumbuhimo susumo lapangnyo Kaunyo nu Efrat mosawe'mo ka' monganjuhakonmo iwi-iwi na tobinyo nu Kaunyo aijo'.

YEREMIA 46:7

Ihe na ia anu nosawe'mo susumo uee nu Kaunyo Nil, susumo kaunyo anu nongiaba'imo sinin na sonibinyo? Aijo'mo lipu' Mesir. Ia notatae, ‘Aku totinjomo ka' mongkuasaimo tano'. Ku hansunimo na kota iwi-iwi' tiba mian anu jojoong ikiijo'.

YEREMIA 51:42

Ambai nosawe'mo nokiita' i Babel; sagala bokonnyo nombuhokmo noletabimo lipu' aijo'.

DANIEL 11:10

Lantas anak to momo'ane nu tomundo' sasu utara mogogau'mo da mahampatemo ka' momposa'angu'mo to sulu-suludadu manjo-manjoo'. Sala'samian anu aijo' hi aha nambamo nontumbuhi sumomo ahi' iaba'. Nontumbuhi ko pinduannyo ia nontumbuhimo benteng nu sampobali'nyo.

DANIEL 11:17

Lapas aijo' tomundo' nu lipu' sasu utara momposadiamo iwi-iwi' na suludadunyo da montumbuhimo lipu' sasu salatan. Lantas ko kahanda'mo da mongkuasaimo songko-songko na kalaja'an nu sampobali'nyo, ia mombaumo kasangaja'an tiba ia da mompo osoakonmo anaknyo boune tiba tomundo' nu Mesir aijo', panyo tanga'annyo aijo' madi' ko gunanyo.

DANIEL 11:22

Iwi-iwi' na suludadu anu mongewa ia ka' mule' Imam Daka' suele nu pateimo.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

HOSEA 1:9

Tumpu notataemo hi belengku, “sanggo hi na anak nu beleyum aijo' ‘Misa' mian anu palesamo hi beleng-Ku’ saba' mian nu Israel misa'mo mian-Ku anu palesaya, ka' Aku misa'mo Tumpu nu aha.”

AMOS 8:8

Dunia langkakatanmo ka' iwi-iwi' na mian susa'mo na kinyonyoa. Songko-songko na lipu' tolohunjongmo ka' madi'mo daagi' tenda susumo Kaunyo nu Nil.

AMOS 9:5

Dunia tinolohunjongmo ka' mian anu jojoong i dunia sinusa'mo kalana i henggomo nu Tumpu anu Matangkas ka' Daka' na kuasanyo. Susumo Kaunyo nu Nil iyaba' ka' mo'oti sumo aitumo na aha moliba' lantas nanabu'.

NAHUM 1:8

Susumo iyaba' anu daka' monganjuhakonmo; ka' ihansunan-Nyomo na to sampo-sampo bali'-Nyo. Aha anu baani mongewa Ia, pinotudun-Nyomo na kasilakaan sahingga sinilakamo.

MATIUS 22:2

tukoo-Nyo, “De Tumpu mompalentah, ka'ada'annyo sumomo kantuang aiya: Samian na tomundo nombau bau-bauon po'osoan nu anak mo'anenyo.

MATIUS 22:7

Salatan tomundo aijo' nohongo han aijo', ia pinusa hondo. Ia nonsai suludadunyo da mompatei anu lewa' mompatei aijo' ka' nompapui kota nu aha.

MATIUS 23:38

Kalana aijo', Tumpu madi' daagi' monjagai komiu.

MATIUS 24:2

I Yesus notatae hi aha, “Tinoamo miu iwi-iwi' aijo'? Da osumbu'mo, madi' ko sa'angu' pe'e na batu nu laigan aijo' na tasusun i tampatnyo, iwi-iwi' o hobo'akon.”

MARKUS 13:2

Tinaaman i Yesus, “Temisa' beleyum nontoamo bangunan anu daka' haha aijo'? Madi' ko sa'angu' pe'e na batu i bangunan haha aijo' na tasusun i tampatnyo. Iwi-iwi' o hobo'akon.”

MARKUS 13:7

De komiu mohongo lontup nu pahampatean ka' lele mahampate, boli mabuhuk. Han haha aijo' tionyo jadimo, panyo aijo' misa' alati'nyo au'aitu tempo'nyomo na kiamat.

MARKUS 9:12

Tinaaman i Yesus, “I Elia memang toka tongkoimoona da mompobeles anu sangga'atan. Panyo mosiamo na han tiba Anak nu Mian? Apaa na sababnyo i uno nu Kitab nu Tumpu tinulis tukoonyo Ia mongoa'i manjoo' na kasansala'an ka' nupopo ise' nu mian?

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

LUKAS 21:6

“Tokaje na tempo'nyo iwi-iwi' anu otoa miu aiya ohobo'akonmo; madi'mo ko batu sambatu pe'e tongkunsun aiya i tampatnyo!”

LUKAS 24:26

Te misa' Tomundo anu Momposalamat tionyo mongoa'i pe'e kasansala'an aijo', atina'je ka' mohumpak Kadaka'an?”

LUKAS 24:46

Lantas Ia notataemo hi aha, “I uno nu Kitab nu Tumpu tinulis, tukoo-Nyo, ‘Tomundo anu Momposalamat tionyo mongoa'i sansala ka' tionyo pu'ule' tumuu' lengkat i kasilakan i sinaa kototolu'nyo.’

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.