DANIEL 9:25 - KITAB NU TUMPU ALLA LELE MA'IMAI'

²⁵ Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

DANIEL 9:25 ပူးပေါင်းရင်းမြစ်များ

2 SAMUEL 15:25

Lantas notataemo na i tomundo' hi Zadok, “Sule'akon na Peti' Palajanjian aijo' i kota'. De daagi nu ka'ima'i nu Tumpu na aku tantu aku daagi po ule' Nu pobee' minsusule' mae montoa Peti' Palajanjian aijo' tiba tampat kajojoongannyo.

EZRA 4:24

Laigan nu Tumpu madi'mo binau ka' madi'mo tinusakon sampe tinoka i taun ko ohua'nyomo na i Darius Tomundo nu Persia nompalentah.

EZRA 7:1

Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 7:8

Aha nompala'imo Babel kinakonamo i tanggan sa'angu' bitu'on anu momonanyo, ka' tinulunganmo nu Tumpu Allah, sahingga tinokamo na aha i Yerusalem i tanggan sa'angu' bitu'on ko olima'nyomo.

NEHEMIA 3:1

Aiyamo na lelenyo mosia na mesen nu kota' Yerusalem pinokoima'anmo. I Imam Daka' Elyasib ka' to sanga-sangalunyo po'ule'mo nombau Sabatan Daka' Domba, nompokonamo tumbannyo ka' sinombahkonmo nu aha hi Tumpu. Aha nompoko'ima'imo ka' sinombahkonmo nu aha na pagan mesen toka-toka i Laigan tangka-tangkas sa'atu ka' toka-toka i Laigan tangka-tangkas Hananeel.

NEHEMIA 4:2

I ahop nu to sanga-sangalunyo ka' hi to sulu-suludadu nu Samaria, ia notatae tukoonyo, “Apaa na anu nubaumo nu aha Yahudi aijo', anu madi' koko moko ala mompoposia? Pa' ugaat aha po'ule'mo mombau kota' aijo'? Ugaat koonyo nu aha kalaja aijo' ola sansinaa mingkotmo, asan monsombahkonmo koloban hi Tumpu nu aha? Pa' ugaat koonyo nu aha tambunan nu duhehe anu nopapu aijo' po'ule' mule' opotimbali nu aha batu ka' obau pagan mesen?”

NEHEMIA 4:8

Aha binasangaja'mo montumbuhi Yerusalem da madi'mo mahoson na po'sa'angu'an nu aha Yerusalem.

NEHEMIA 6:15

Nombau pagan mesen aijo' kinopinnyo i limampulu' ka' ohua' na sinaa, ka' jinadimo kakona i tanggan uampulu' ka' olima' bitu'on Elul.

MAZMUR 71:10

kalana iwi-iwi' na anu monsampobali' mae aku mombisalakonmo aku, to mia-mian anu kahanda'mo monsilakai mae aku nosa'angu'mo.

ANU MOMPOLELE POTATAE NU TUMPU 3:3

tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

YESAYA 55:4

Totu-totu'unyo, ia Ku pojadimo timbali bau polaya' ka' talenga', sakisi nukuasang-Ku toka hi to bansa-bansa.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

DANIEL 9:23

Salatan beleyum notampu'unimo nongkakase hi Tumpu, Ia nontaamimo. Aku toka mae da mompotokakon kalana Ia mongkalibosi beleyum. Jadi potombihing mae ima-ima' hau-haunyo aku montalangkan alati'nyo nu anu tinoa aijo'.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 13:23

Ka' bine' anu nanabu' i tano' anu molumba', sumomo to mia-mian anu mohongo lele aijo' ka' mangalati'. Aha mimbua' manjoo', daagi' ko anu sa'atu, daagi' ko anu anom pulu', ka' daagi' ko anu tolumpulu' lipat na hasinnyo.”

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

MARKUS 13:14

“Komiu montoaje' ‘Ka'idekan anu Monsilakai’, tuminjo i tampat anu opoliwa' hi ia. (Pompotuka' hi anu mombasa': Palahatikan apaa na alati'nyo!) Tempo'nyo aitu mian anu jojoong i Yudea, tionyo malai mamba i i bungkutnyo.

YOHANES 1:41

Lia-lia' na i Andreas nolio i Simon utusnyo ka' notatae hi ia, “Kami siningkabotmo i Mesias!” (Mesias pokakanamo i Kristus, aijo'mo: Tomundo anu Momposalamat.)

YOHANES 4:25

Boune aijo' notatae hi Yesus, “Kusumbu' Tomundo anu Momposalamat (anu osanggohi Kristus) tokaje mae. De Ia tokamo iwi-iwi' na apa-apaa nu poto'ije hi kita.”

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

SISIKON NU TO RASUL-RASUL 8:30

Sahingga i Filipus namba nongohani kasake'an aijo', lantas ia nohongo mian aijo' mombasa' Kitab Nabi Yesaya. I Filipus nompokilawa hi ia, “Apaa Kita Tuan mangalati' i anu o basa' nu Kita Tuan aijo'?”

EFESUS 5:16

Pake ima-ima' na kasampatan anu daagi' hi beleyum, kalana tempo' uuka tempo'mo anu ma'idek.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”