DANIEL 9:24 - KITAB NU TUMPU ALLA LELE MA'IMAI'

²⁴ Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

DANIEL 9:24 ပူးပေါင်းရင်းမြစ်များ

2 TAWARIKH 29:24

Lapas aitu mee' haha aijo' pinahang kolotakonmo nu to ima-imam ka' baso'nyo dinudu'akonmo i mezbah salaku koloban pongampuni dosa' nu mian da'isan iwi-iwi'. Han aijo' binaumo nu aha kalana pinalentahkonmo nu tomundo da obau na koloban anu opotunu ka' koloban pongampuni dosa' hi aha iwi-iwi' mian da'isan nu Israel.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

YESAYA 42:4

madi' bimbang kabai hentemo na kinyonyoa, sahingga ka adilan otoongimo i dunia aiya. Lipu' anu toto jo'o-jo'on mongindimo pangajalannyo.”

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

YESAYA 51:8

Aha silakamo ka' mule' madi'mo otoa-toa, pokakanamo susumo baju' anu nu kekedimo nu ane' ka' hude bulu nu domba anu nu kekedimo nu atak. Panyo kasalamatan anu Ku bee' nu tataap ahi' sampe toka sidu-sidutu', ka' kamanangan-Ku na satataapnyo ahi' sampe molundu-lundu na tulunan.”

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

MOHAANGI 4:22

Sion nonta'upmo hukumannyo kalana iwi-iwi na dosa' anu binaumo nu aha; uuka aiya kami madi' ola nupojohok nu Tumpu ka' madi'mo daagi' oboa mamba i tampat pompojoongan. Panyo beleyum, o Edom, nuhukumje nu Tumpu. Iwi-iwi' na dosa' nu beleyum oponyata'mo.

YEHEZKIEL 28:12

“O manusia anu madi' tumuu' batu hangimo na i tomundo' Tirus. Poto'imo apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia, ‘Beleyum toho'mo tinimbali tanda nu kasukupan; naipuan mae beleyum pande hondo ka' ontinganan!

YEHEZKIEL 4:6

Lapas atina' male'mo maninsohipi' sasu koanan ka' oa'imo pa' mosia na hukuman anu opokana ikasala'an nu aha Yehuda patompulu' na sinaa na kopinnyo, sansinaa mongibalatakon sataun na hukuman nu aha.

IMAMAT 25:8

Obilang pimpitun lipat na taun konjoo'nyo patompulu' ka' osio' na taun.

IMAMAT 8:15

Lantas kinolotmo i Musa ka' nongala sambahagian na baso'nyo. Baso'nyo aijo' sinapuakonnyo nu kangkam nu limanyo i tanduk haha aijo' anu pinokona i pasu'nyo nu mezbah, da mezbah aijo' baumo samata-mata anumo nu Tumpu Allah. Labinyo nu baso' dinudu'akonnyomo i paningkokoan nu mezbah. Sumo aijo' na mombau mezbah aijo' da oposusi' ka' samata-matamo anumo nu Tumpu.

ZAKHARIA 4:14

Ia suele notataemo, “aijo' alati'nyo ua'aha na mian anu pinile'anmo nu Tumpu i dunia aiya songko-songko ka' binee'anmo pakalaja'an da mombau anu Nu palentahkon.”

NOMBILANGMO 14:34

Belemiu saidi' mae montanggungmo hukuman nu dosa' nu belemiu kopinnyo patompulu' na taun; sataun toto patompulu' na sinaa na olotnyo, sansinaa na opake monselidiki tano' aijo'. Osumbu'je nu belemiu mosia de Aku mongka'idekimo belemiu!

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 11:13

Sampe kinatokan i Yohanes, iwi-iwi' na atulan i Musa ka' ajalan nu to nabi-nabi mompo'inau'akon apa-apaa na anu tionyo timbali.

MATIUS 4:5

Ilapas aijo' Ibilis nomboamo i Yesus nokiijo' i Yerusalem, kota anu susi', ka' nompo'una' Ia aita' i bawo nu binumbungan nu Laigan nu Tumpu.

MARKUS 1:24

“O Yesus, mian nu Nazaret, Beleyum mongka'oho' mombau apaa hi kami? Beleyum toka da monsilakai kami? Kusumbu' ihe na Beleyum: Beleyumo na posaihon anu Susi' lengkat mae hi Tumpu Allah!”

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 21:22

Kalana sina-sinaa aijo' aitumo na ‘Sina-sinaa Hukuman Onabu'akonmo,’ da tiba anu sumo aijo' tinimbalimo apaa na anu tinulismo i uno nu Kitab nu Tumpu.

YOHANES 1:41

Lia-lia' na i Andreas nolio i Simon utusnyo ka' notatae hi ia, “Kami siningkabotmo i Mesias!” (Mesias pokakanamo i Kristus, aijo'mo: Tomundo anu Momposalamat.)

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

SISIKON NU TO RASUL-RASUL 3:14

Ia Susi' ka' ma'ima', panyo komiu mombahakon Ia ka' mompakisa da i Pilatus molapasakon samian na topo patei hi komiu.

SISIKON NU TO RASUL-RASUL 3:22

I Musa toho'mo notatae, ‘Tumpu Tumpu miu monsaije hi komiu samian na nabi lengkat i posi bansa miu, sumo Ia nonsaimo aku. Komiu tionyo mohongo iwi-iwi' anu nutaloakon nu nabi aijo' hi komiu.

SISIKON NU TO RASUL-RASUL 4:26

To Tomu-tomundo nu dunia mosadiamo da mahampatemo, ka' to pola-polaya' mosa'angu'mo mongewa Tumpu ka' Tomundo anu Momposalamat.’

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

KOLOSE 1:20

Ka' montului jalan hi Anak-Nyo aijo' mule' Tumpu nomputusimo da mompotimbali iwi-iwi na apaa mompo'ule' ma'ima' tiba Ia – mau iwi-iwi na apaa anu i dunia, mau mule' anu i suluga'. Tumpu nombau aijo' montului jalan Anak-Nyo sinilaka i kau' salib.

KOLOSE 2:14

ka' nohapusmo sulat nu samaya' hi kita, anu nompopobuhukmo kita nu atu-atulan anu maboat. Tiba jalan nomposalibmo sulat aijo' i kau' salib, Tumpu nohapusmo iwi-iwi' na kasala'an anu pinokonamo hi kita.

IBRANI 10:14

Jadi anu ola sa'angu' na koloban aijo', i Kristus nompokopianimo to mia-mian anu pinobelesi'mo na dosa'nyo.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

ANU PINOTO'I HI YOHANES 14:6

Lantas aku nontoa samian na malaikat sangga'at anu i lumahap tangka-tangkas aita' i langit. Malaikat aijo' momboa lele mongkona Lele Ma'ima' anu sampe toka sidu-sidutu' da opotokakon hi mian i dunia aijo'mo, toka hi iwi-iwi' na bansa, tulunan, basa', ka' negara.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.