DANIEL 9:22 - KITAB NU TUMPU ALLA LELE MA'IMAI'

²² Lantas tinalangkanmo i Gabriel sumo uuka, “O, Daniel, aku toka mae da montulungi beleyum da monsumbu' anu lewa' okila-kila aijo',

DANIEL 9:22 ပူးပေါင်းရင်းမြစ်များ

DANIEL 10:11

Malaekat aijo' notataemo mae hi belengku, “O, Daniel, beleyum nu kalibosi nu Tumpu. Pobulaamo ka' mule' tinjomo lantas potombihingmo mae na potataengku aiya ima-ima'. Aku aiya sinaimo mae toka hi beleyum.” Tempo'nyo ia nontaloakon han aijo' aku tinuminjomo ka' ilakatnyomo.

DANIEL 10:12

Lantas ia notataemo mae hi belengku, “O, Daniel, boli mabuhuk. Tumpu nohongomo do'a nu beleyum daagi pe'e sinaa momonanyo beleyum nonongalamo kaputusan da ta'alukmo na butong nu beleyum da timbali pande. Aku tinokamo mae salaku baumo pontaami do'a nu beleyum.

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 7:16

Lantas ingohaniankumo na sala'samian anu tinuminjo ikiijo' ka' pinoitangkumo na katalangan nu anu jinadimo iwi-iwi' aijo'. Sahingga pinoto'inyomo mae.

DANIEL 8:16

I hongongku na potatae anu nontaloakon daka-daka' aijo' mae i santoa nu Kaunyo Ulai, notatae mae, “Gabriel, talangkanmo hi ia na anu tinoa aijo'.”

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

ZAKHARIA 1:14

ka malaikat aijo nompo kau aku da' mompotoka apa na anu tinaeakon nu Tumpu Anu Matangkas na Kuasa-Nyo. Aku mongkalibosi kondo ka molibos kondo kota Yerusalem, kota-Ku anu susi'.

ZAKHARIA 1:9

Pinokilawangkumo hi ia, “O, Tuan apaa na alati'nyo ajahan haha aijo' iwi-iwi'?” Ia nontaami, “Ku potiju'je na alati'nyo hi beleyum.

ANU PINOTO'I HI YOHANES 4:1

Lapas aijo' aku po'ule' mule' nontoa anu pinotoa mae. Aku nontoa sa'angu' na pontumban tinontuhea'mo i suluga'. Lapas aijo' kinahongoan mule' na potatae anu momonanyo noko basisikmo hi belengku sumo onyi' nu tolompet. Potatae aijo' tukoonyo, “Imbo' poliba' mae i aiya. Ku poto'ije hi beleyum apaa na anu timbali saidi' mae.”