DANIEL 9:21 - KITAB NU TUMPU ALLA LELE MA'IMAI'

²¹ Hau-haunyo aku balado'a, i Gabriel anu tinoangku pipinotoa u'utu mae, i lumahapmo mae no uuka hi belengku. Tempo'nyo aitu malomo, mian monsombahkonmo koloban.

DANIEL 9:21 ပူးပေါင်းရင်းမြစ်များ

1 TOMU-TOMUNDO' 18:29

Sumo aijo' na aha nombau ka' saja'mo pino'uli-ulit nu aha sampe sangkut malom sumomo mian anu sinoku'onmo nu setan. Panyo' madi' ko anu nontaami mae ka' madi' ko anu nompajuli mae.

1 TOMU-TOMUNDO' 18:36

Salatan nonsombahkonmo koloban malom-malom i Elia nongohanimo mezbah aijo' ka' binalado'a, “O Tumpu, Tumpu Allah anu nunu sombah i Abraham, i Ishak, ka' i Yakub, ponyata'mo mae uuka aiya da nusumbu'mo nu aha taalu' Belentomo atina' na Tumpu Allah nu Israel, ka'akumo aiya na posaihon nu belento. Ponyata'mo mae mule' da nusumbu' nu aha taalu' anu ku bau aiya iwi-iwi' palentah mae lengkat hi Belento.

MAZMUR 103:20

O, puji' na Tumpu, o, belemiu to mala-malaekat-Nyo anu to babaani, anu mompotombihing ka' mombau anu nu palentahkon.

MAZMUR 104:4

Mombun binaumo anu lewa' nu pokau nu Belento ka' kilat binaumo posaihon nu Belento.

MAZMUR 141:2

Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

NOSABATMO 29:39

Sa'angu' osombahkon daagi' subu ka' sangga'at mule' osombahkon de mamalomo.

YESAYA 6:2

Titikub hi Ia paha-paha tinjo na to mala-malaekat ka' moak susumo apu, totosamian anom na polipiknyo. Ohua' na polipiknyo mongkukubi ohupnyo, ohua' mongkukubi butongnyo ka' anu ohua' mule' nu pake bau polahapnyo.

YEHEZKIEL 1:11

Sa'angu' na paan na polipik nu toto samian na malaekat haha aijo' de nu bokamo mokiita' mompahakabotmo pusnyo nu polipik nu malaekat sangga'at anu isohipi'nyo ka' anu sapaan mule' nu kumpu' mongkukubi butongnyo.

YEHEZKIEL 1:14

Malaekat haha aijo' suele mongkohenggomo mokiijo' ka' mo uuka mae sumo kilat na kolia'nyo.

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

DANIEL 10:10

Lapas aitu daagi' kinolima anu nongkanyang mae aku sahingga aku noko pobulamo ka' natidupumo ilimangku ka' ibukungku.

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 10:18

Sahingga daagi' minsan na ia nongkanyang mae aku lantas ingoa'anku hosonku nintuangmo.

DANIEL 8:16

I hongongku na potatae anu nontaloakon daka-daka' aijo' mae i santoa nu Kaunyo Ulai, notatae mae, “Gabriel, talangkanmo hi ia na anu tinoa aijo'.”

DANIEL 8:18

Hau-haunyo ia notatae mae aijo' aku pinoso'mo. Panyo tinoongannyomo mae na aku ka' nontulungimo mae aku da po ule' tinuminjo. Lantas ia notataemo,

MATIUS 27:46

Jam totolu' mamalom, i Yesus noloboo' notatae daka-daka', “Eli, Eli lama sabakhtani?” alati'nyo, “O Tumpu Ku, o Tumpu Ku, kadaka' Belento nompala'imo Aku?”

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 1:26

Tempo'nyo i Elisabet pinoboamo anomo na bitu'on, Tumpu Allah nompokau i Malaikat Gabriel da namba i Nazaret, sa'angu' na kota i da'erah Galilea.

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 10:9

Dodododopnyo sina-sinaa, hau-haunyo aha lumajang ka' malia'mo toka i Yope, i Petrus noliba' nokiita' i laigan ka' binalado'a.

SISIKON NU TO RASUL-RASUL 12:7

Monti-montiik malaikat nu Tumpu tinuminjo i kiijo' ka' kino sahaya nonjingkai uno nu kaman nu talungku' aijo'. Malaikat aijo' noliko i Petrus sampe ia nobula. Lantas malaikat aijo' notatae, “He, dongan pobula!” Tempo'nyo aijo' mule' nanabu'mo na lante' besak i lima i Petrus.

SISIKON NU TO RASUL-RASUL 3:1

Daagi' kino sansinaan i Petrus ka' i Yohanes namba i Laigan nu Tumpu jam totolu' ohanimo malom, tempo'nyomo nu balado'a.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 1:7

Kona hi aha to mala-malaikat, Tumpu notataemo sumo uuka, “Tumpu mompotimbali to mala-malaikat-Nyo sumo mombuun, ka' to posa-posaihon-Nyo moak sumo apu.”

ANU PINOTO'I HI YOHANES 9:17

Ka' anu nyata'mo tinoangkumo, ajahan haha aijo' ka' batu-batu anu nonsake'i. Batu-batu anu nonsake'i nompake baju' besak anu buhitnyo momea' sumo anu moak, mobilu' sumo batu nu mainan, ka' mokini sumo belelang. Ubak nu ajahan haha aijo' sumo ubak nu singa, ka' apu mosabat mae i nganga'nyo, sumo aitu mule' tibuk ka' belelang.