DANIEL 9:19 - KITAB NU TUMPU ALLA LELE MA'IMAI'

¹⁹ O, Tumpu potombihingakon mae na kami ampuniakon mae na kami ka' palahatikan mae na kami, ka' palia-lia'mo na mombau kaputusan! Bolimo otanda'i pipin da iwi-iwi' na mian monsumbu' talu' Belento ahi' na Tumpu. Kalana Yerusalem tiba mian anu palesayamo hi Belento memang ahi' madi'mo sala', Belentomo na Tumpu-Nyo'.”

DANIEL 9:19 ပူးပေါင်းရင်းမြစ်များ

2 TAWARIKH 6:39

Jadi' kiita' mae i kajojoongan nu Belento i suluga' tionyo ahi' opotombihingakon mae na do'a nu aha ka' okalibosiakon na aha. Ampuniakon na dosa' iwi-iwi' nu mian anu pinalesayamo hi belento.

YESAYA 43:7

Kalana aha iwi-iwi' ilagamo i uno nu sanggong-Ku, aha pinotimbaling-Kumo da mompopodaka' Aku.”

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 14:9

Kadaka' Belento sumomo mian anu biningungmo; sumomo talenga' anu madi'mo moko ala montulungi? Panyo, memang tantu Belento aiya itotonga' mami, o Tumpu! Kami mian anu palesayamo hi Belento, boli ahi' nu pala'i nu Belento na kami!’ ”

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEHEZKIEL 20:14

Panyo aijo' madi' binaung-Ku kalana monginau' kaholomatan nu sanggong-Ku, da sanggong-Ku boli mae o'alu nu to bansa-bansa anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:22

Panyo aijo' madi' binaung-Ku kalana monginau' da sanggong-Ku boli mae o'alu nu to bansang-bansang anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

YEHEZKIEL 36:22

Kalana aijo' poto'iakon apaa na anu Kupoto'i nu Aku Tumpu Anu Matangkas na Kuasanyo hi aha bansa Israel, ‘Apaa na anu saidi' mae Kubau misa' kalana belemiu o to mia-mian nu Israel, panyo kalana ahi' sanggong-Ku anu susi', anu ihumimi'ianmo nu belemiu iyaya mae na kalambanan nu belemiu.

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

AMOS 7:2

Kihi-kihi' haha aijo' boli' nongkaanmo iwi-iwi' na anu sinu'an i tano'. Lantas aku notatae, “Tumpu Anu Matangkas na Kuasanyo, ampuniakon na mian anu palesayamo hi Belento Aha talalo ise' ka' lupe, mosia na timbali aha moko ala montahan?”

NOMBILANGMO 14:19

Uuka aiya Tumpu, kalana daka' na kalibosan nu Belento ka' Belento sabole-bole montoongi janji' nu Belento, ku kakase ampuniakon mae na dosa' nu mian haha aiya susumo Belento nongampunimo aha salatanmo pe'e aha nompala'i mae tano' nu Mesir.”

NOMBILANGMO 6:27

Ka' Tumpu notatae mule', “De aha monsanggo sanggong-Ku salaku bau pombalakati bansa nu aha Israel, Ku balakatimo na aha.”

LUKAS 11:8

“Lantas mosia?” i Yesus nolausakonmo potataenyo. “Kupoto'i, ya! Mau mule' beleyum te sangalunyo, ia madi' mongka'oho' mobula ka' mombee' apa-apaa hi beleyum. Panyo kalana beleyum madi' mongoa'i ma'ambang sapoi-poita hi belenyo, sahingga ia ahi' nobula ka' nombee' hi beleyum apaa na anu nu kahanda'i.

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.