DANIEL 9:18 - KITAB NU TUMPU ALLA LELE MA'IMAI'

¹⁸ Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

DANIEL 9:18 ပူးပေါင်းရင်းမြစ်များ

1 TOMU-TOMUNDO' 8:29

Ku taha'imani sinaa ka' pihi Belento montoakon mae Laigan aiya anu pinile'anmo nu Belento salaku tampat ponsomban Belento. Ku taha'imani lengkat mae i kajojoongan nu Belento i Suluga' Belento mompotombihingakon mae ka' mongampuni aku ka' mian anu pinalesayamo hi Belento de kami tokamo mae i laigan aiya ka' balado'a hi Belento.

2 TOMU-TOMUNDO' 19:16

Tumpu palahatikan mae apaa na anu hau-haunyo jinadimo aiya hi kami. Hongoakon mae na i Sanherib nompopoambangmo belento Tumpu Allah anu tumuu'.

MAZMUR 116:1

Ku ka'ima'i na Tumpu, kalana Ia nohongomo mae aku, ka' nonginau'mo mae anu pinoitangkumo.

MAZMUR 25:6

Boli okolilimi na kanonongan ka' kalibosan nu Belento, o Tumpu, anu pinotoamo nu Belento salatanmo pe'e momonanyo mae.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

YESAYA 37:17

O, Tumpu de timbali toakon mae apaa na anu jinadimo aiya hi kami. Potombihingakon mae iwi-iwi' na potatae mompopo ambang anu tinaloakonmo i Sanherib hi Belento, Tumpu anu tumuu'.

YESAYA 43:7

Kalana aha iwi-iwi' ilagamo i uno nu sanggong-Ku, aha pinotimbaling-Kumo da mompopodaka' Aku.”

YESAYA 64:12

Tinoamo nu Belento na iwi-iwi' aijo' o, Tumpu kadaka' Belento ola momohokot? Te belento ola mule' mompojohok kami monta'up sansala anu taha-tahahumo?

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 14:9

Kadaka' Belento sumomo mian anu biningungmo; sumomo talenga' anu madi'mo moko ala montulungi? Panyo, memang tantu Belento aiya itotonga' mami, o Tumpu! Kami mian anu palesayamo hi Belento, boli ahi' nu pala'i nu Belento na kami!’ ”

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 37:20

Uuka aiya belento Tomundo' anu talasanggo, de timbali sanang pe'e mae na mohongo apaa na anu ku kakase aiya. Bolimo mae belento Tomundo' moki boa aku minsusule' italungku' i laigan i Yonatan kiijo' mae, dumo aku matemo kiijo' mae.”

YEHEZKIEL 36:22

Kalana aijo' poto'iakon apaa na anu Kupoto'i nu Aku Tumpu Anu Matangkas na Kuasanyo hi aha bansa Israel, ‘Apaa na anu saidi' mae Kubau misa' kalana belemiu o to mia-mian nu Israel, panyo kalana ahi' sanggong-Ku anu susi', anu ihumimi'ianmo nu belemiu iyaya mae na kalambanan nu belemiu.

YEHEZKIEL 36:32

Tutugi o, Israel kalana iwi-iwi' aijo' Ku bau misa' kalana belemiu. Belemiu tionyo ahi' mongoa'imo ambang ka' madi'mo tinalakana' kalana kalakuan nu belemiu. Aku, Tumpu Anu Matangkas na Kuasanyo notataemo.’ ”

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

NOMBILANGMO 6:27

Ka' Tumpu notatae mule', “De aha monsanggo sanggong-Ku salaku bau pombalakati bansa nu aha Israel, Ku balakatimo na aha.”