DANIEL 9:15 - KITAB NU TUMPU ALLA LELE MA'IMAI'

¹⁵ O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

DANIEL 9:15 ပူးပေါင်းရင်းမြစ်များ

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

2 TOMU-TOMUNDO' 21:15

Iwi-iwi' aijo' Ku baumo hi mian anu pinalesayamo hi belengku kalana aha binaladosa'mo hi belengku ka' nonsaduakonmo sahingga tinambuha'an-Kumo lengkat pe'e hi mompolee' nu aha tempo'nyo nosabatmo lengkat mae i Mesir sampe sina uuka aiya.”

2 TAWARIKH 6:37

ku taha'imani da belento mompotombihingakon mae do'a nu aha. De i lipu' aijo', nupala'imo nu aha na dosa' nu aha iwi-iwi', ka' balado'amo hi belento, ka' nu akuimo nu aha, na dosa' nu aha tukoonyo aha binaladosa'mo ka' nombaumo anu ma'idek, potombihingakon mae na do'a nu aha, o Tumpu.

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:16

Anu saja' obau aijo' bau pompotuka' kita salaku tanda anu pinosegot i lima kabai i siakanto. Tiba jalan anu sumo aijo' kita saja'mo monginau' Tumpu anu nonsabatakonmo mae kita lengkat i Mesir nu kuasanyo anu daka'.”

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 14:18

Sahingga nusumbu'je nu mian nu Mesir taalu' Aku, Tumpu.”

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 6:1

Tumpu Allah notataemo hi Musa. Ia notatae, “Akumo na Tumpu.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 55:13

Kau' lontio' mombolosakonmo kuhat kohi'nyo, bunga-bunga anu sinu'an nombolosakonmo kuhat. Aijo' jadimo da Aku talapuji'mo salaku tanda anu madi' okolilimi sidu-sidutu'.”

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YEREMIA 14:20

O Tumpu, ola-olanyomo ahi' hi Belento na kami binaladosa'mo. Kami mongakuimo posi dosa' mami tiba dosa' nu mompolee' mami

MOHAANGI 3:42

“Kami binaladosa'mo ka' notomuhukmo hi Belento, O Tumpu, ka' Belento madi'mo nongampuni mae.

YEHEZKIEL 5:6

Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

LUKAS 15:21

‘Papa,’ tukoonyo nu anak aijo', ‘aku binala dosa'mo i ahop nu Tumpu tiba hi Papa. Madi'mo nukona na aku osanggohi anak i Papa.’

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

PO'ULE' INGULIT 5:15

O inau' ahi' saba' belemiu suele naipuan mae binotuanan i Mesir, lantas pinobebasmo nu Tumpu Allah nu belemiu nu kasusa'an-Nyo anu daka' hondo. Kalana aijo' Ku palentah na belemiu da molame'akon sinaa nu Sabat.