DANIEL 9:14 - KITAB NU TUMPU ALLA LELE MA'IMAI'

¹⁴ Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

DANIEL 9:14 ပူးပေါင်းရင်းမြစ်များ

2 TAWARIKH 12:6

I Tomundo ka' to pola-polaya' nongakuimo tukoonyo nu aha, aha binaladosa'mo. Aha notataemo, “Apaa na anu binaumo nu Tumpu aijo' memang adin.”

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

MAZMUR 111:7

Tumpu adin ka' manonong i han apa-apaa nu anu Nubau, iwi-iwi' na palentah-Nyo timbali otaha'imani.

MAZMUR 116:5

Tumpu aijo' pangkalibosi ka'adin! Tumpu Allah-nto saja' hondo mongkalibosi.

MAZMUR 119:137

Belento adin, o, Tumpu iwi-iwi' na atulan nu Belento kinonamo hondo.

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

NOSABATMO 9:27

Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

YEREMIA 4:17

Ka' montumbuhimo Yerusalem susumo mian anu monjagai ale'. Iwi-iwi' aijo' jadi saidi' mae kalana bansa Yehuda notomuhukmo hi Tumpu. Tumpu notataemo.

YEREMIA 44:27

Aku bala usahamo da belemiu silakamo ka' madi'mo mohumpak ka'ima'an i uno nu kantumuu'an, sampe belemiu silakamo iwi-iwi' mau pa' kalana pahampatean kabai kalana panyakit anu molele.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

YEHEZKIEL 16:43

Aku mohukumo beleyum kalana beleyum madi'mo daagi' nonginau'mae mosia na Aku nompalakaimo beleyum tempo'nyo nai puan mae daagi' ise'. Palabuatan nu beleyum ma'i-ma'idek atina' na nonsabapi Aku nontambuha'i beleyum. Kadaka' palabuatan nu beleyum anu oka-okahegati atina' iwi-iwi' daagi' mule' nu paka tuangi nu palabuatan masala'? Aku Tumpu Anu Matangkas na Kuasanyo notataemo.”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.