DANIEL 9:12 - KITAB NU TUMPU ALLA LELE MA'IMAI'

¹² Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

DANIEL 9:12 ပူးပေါင်းရင်းမြစ်များ

1 TOMU-TOMUNDO' 3:9

Kalana aijo' Tumpu bee'iakon mae kapandean anu ku pake mompalentah mian anu pinalesayamo hi Belento aiya ka' adin ka' mule' timbali monsumbu' iya na anu ma'ima' ka' iya na anu ma'idek. De madi' sumo aitu tantu aku madi' moko ala mompalentah mian anu pinalesayamo hi Belento ka' daka' aiya?”

2 TOMU-TOMUNDO' 22:16

potatae nu Tumpu sumo uuka: “Ku hukummo na Yerusalem ka' iwi-iwi' na mian anu i kiijo' susumo anu tinulismo i kitab anu sala-sala'je binasa' i tomundo'.

AYUB 12:17

Po'ule'mo ingala-Nyo na kapandean bapikin hi to pama-pamalentah anu ko kakuasa-annyo, ka' to pola-polaya' pinotimbali-Nyomo da lewa' okokojoi.

MAZMUR 148:11

Opuji' na Ia, o to tomu-tomundo' ka' iwi-iwi' na bansa, to mia-mian daka' ka' anu ko kakuasa'an;

MAZMUR 2:10

Jadi intomakon, o to tomu-tomundo', boli okolilimi, o belemiu iwi-iwi' anu montoongi kakuasa'an nu dunia!

AMSAL 8:16

Kalana pakalaja'an anu binaungkumo, to mia-mian anu daka' na pangkatnyo, to mia-mian anu talasanggo mompalentah ka' mule' mompojalan ka'adilan.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEREMIA 39:16

da mompoto'i hi Ebed-Melekh mian nu Sudan ai-aijo', kooNyo Tumpu Anu Balakuasa hondo, Tumpu Allah Israel nompoto'imo mae sumo uuka, “Susumo anu pinoto'ing-Kumo salatanmo pe'e naipuan mae, Ku potokamo ikota' aiya na balaa', misa' ka'ima'an nu kantumuu'an. Beleyum montoaje han aijo' jadi saidi' mae.

MOHAANGI 1:12

“O to mia-mian anu notulumo i jalan, toamo ka' palahatikan! Te daagi' mule' ko kasansala'an anu lebe maboat susumo anu ingoa'ankumo uuka aiya? Sakisa anu binee'mo mae nu Tumpu hi belengku, kalana pusanyo anu talalomo hondo aijo'?

MOHAANGI 2:13

O Yerusalem, kota' Sion anu oka ima'i kinapohobo'an nu beleyum ko ewanyo sumomo ndalangon, Apaa na anu timbali ku poto'i da mombee'i potatae anu moko sanang? Kalana madi' toho' ko anu sinansala susumo beleyum. Maumo mosia madi' ko anu moko ala mompo ule'akon kantumuu'an nu belemiu.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

MOHAANGI 4:6

Mianku anu palesayamo i hukumo lebe maboat molingkudui aha mian anu jojoong i Sodom anu ola tolo kulap, i hansunmo na pinombau nu lima nu Tumpu Allah misa kalana pakalaja'an nu manusia.

YEHEZKIEL 13:6

Iwi-iwi' na anu tinoamo nu aha madi' totu'u ka' mule' anu sola' nu kila-kila nu aha leko' ahi' samata-mata. Aha nongakuimo nomboamo potuunon lengkat mae hi belengku padahan Aku madi' toho' nonsai aha. Mosia na aha montaha'imani kila-kila' nu aha bisa jadi?

YEHEZKIEL 5:9

Kalana iwi-iwi' na palabuatan nu beleyum anu Ku ka'ideki sahingga anu jojoong atina' hi beleyum Ku hukumje tala-talalo nu hukuman anu ma'isa toho binaung-Ku ka' mule' madi'mo daagi' po ule' Ku bau.

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”

ZAKHARIA 1:8

tinoangku malaekat nu Tumpu nonsake'imo sa'angu' na ajahan momea'. Ia tinuminjomo isa'angu' na bangka'nyo i olot nu kau' murad. Aitu mae ihikunyo tinuminjo pa sangkuka na ajahan sangga'at daagi' ko anu momea', daagi' ko anu gio-gio mohaha tiba anu mopute'.

ZAKHARIA 7:12

Kinyonyoa nu aha pinokuutmo hondo nu aha susumo ko kuutnyo nu batu. Aku talalomo ahi' pinusa kalana aha madi'mo nontuluti to panga-pangajalan anu binee'-Kumo hi aha pipinoto'imo nu to nabi-nabi naipuan mae.

MATIUS 24:21

Tempo' nu sinaa anu ma'idek hondo aijo' daagi' ko kasusa'an anu daka' sumo anu ma'isa toho' tinimbali lengkat pe'e i tampu'unan nu dunia toka tempo' aiya, ka' madi'mo mompo'ule' timbali.

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MARKUS 13:19

I sinaa ma'idek tempo' aitu daagi' ko kasusa'an anu ma'isa toho' tinimbali, salatanmo pe'e Tumpu nompotimbali dunia sampe tempo' u'uka, ka' madi'mo daagi' po'ule' timbali.

LUKAS 21:22

Kalana sina-sinaa aijo' aitumo na ‘Sina-sinaa Hukuman Onabu'akonmo,’ da tiba anu sumo aijo' tinimbalimo apaa na anu tinulismo i uno nu Kitab nu Tumpu.

ROMA 15:8

Kalana, o inau', i Kristus nongajanmo mian nu Yahudi bau pomposumbu' saba' Tumpu madi' baleko' nongganapimo iwi-iwi' na janji'-Nyo hi mompolee'to.