DANIEL 8:8 - KITAB NU TUMPU ALLA LELE MA'IMAI'

⁸ Mee' lakinyo aijo' kinodaka-daka'nyomo. Panyo salatan sinukupmo hondo na kakuasa'annyo nopato'mo na tanduknyo anu daka' hondo aijo', lantas i tampat aijo' mule' tinumuu'mo opat na tanduk anu mantan, toto sa'angu' madi' pokakana na nu patui nu tanduk aijo'.

DANIEL 8:8 ပူးပေါင်းရင်းမြစ်များ

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

ESTER 9:4

I songko-songko na kalaja'an sinumbu'mo nu mian na i Mordekhai okabuhuk ka' oholomati hondo nu mian kiijo' i laigan nu tomundo ka' nompaka daka'mo hondo na kuasanyo.

YEREMIA 49:36

Ku puhakonmo na mombun mamba hi Elam lengkat mae iyaya na tampat, ka' momposungkehetmo miannyo anu jojoong ikiijo' mamba iyaya mae sahingga madi' ko sa'angu' na lipu' na madi' kinalambanan nu mian anu nalai mae lengkat i Elam.

YEREMIA 5:27

Susumo mian anu saja' mohakop tomonsi' nongisimo kalatannyo nu tomonsi' sumo aijo'mo na aha nongisi laigan nu aha nu bala-balang anu ihumpak kalana lewa' mongakali. Sumo aijo' na aha sahingga binalakuasamo ka' kinayamo.

YEHEZKIEL 16:7

Ingalang-Ku na uee ka' binaso'an-Ku na baso' anu atina hi butong nu beleyum. Sinautan-Ku nu lanya' nu zaitun na kilit nu beleyum. Pinodaka'-Kumo na beleyum susumo sosu'anon anu molumba'. Malia' hondo na beleyum nodensu' ka' mule' mahoson ka' dinaka'mo, ka' ilumangkoyangmo. Susu nu beleyum montampu'unimo nodensu' ka' mule' ubak nu beleyum nantanmo, panyo beleyum langgo-langgo'. Tempo'nyo Aku po ule' notulu tinoang-Ku na beleyum tempo'nyomo na bakusinta. Pinosabut-Kumo na juba'-Ku hi butong nu beleyum anu langgo-langgo' atina' ka' Aku nojanji'mo Ku sintamo na beleyum. Ka' mule' jinanji'-Kumo da monika'imo beleyum, ka' beleyum Akumo na tumpunyo. Aku, Tumpu Anu Matangkas na Kuasanyo notataemo.

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

DANIEL 11:4

Panyo de ia talalomo kaya kalaja'annyo mobagi-bagimo timbalimo opat na bahagian. To tomu-tomundo' anu misa' tulunan nu tomundo' mompalentahmo salaku bolosnyo ka' aha madi'mo mahoson susumo ia.

DANIEL 4:31

Aku ma'isa pe'e pinupus na notatae, nohongomo potatae lengkat mae aita' i langit, “O, Tomundo' Nebukadnezar potombihing mae na uuka! Kakuasa'an nu belento salaku tomundo' po ule'mo ingala atina' hi belento.

DANIEL 5:20

Panyo salatan ia tinakabunmo ka' madi'mo nohongo pikilan nu mian sangga'at ka' talalomo binuhingison ia pinobelentimo i kalaja'annyo sahingga ia madi'mo tinala sanggo.

DANIEL 7:6

Hau-haunyo aku montonto'i, binatang anu ko opatnyo ilubatmo mae na binatang sangga'at. Lupanyo sumo harimau panyo aita' itundunnyo opat na sumo polipik nu tomonsi' ka' ia ko ubaknyo opat. Ia otoa balakuasa hondo.

DANIEL 8:22

Opa-opat na tanduk anu tinumuu' mae salatan tanduk momona aijo' nopato'mo alati' nyokalaja'an nu Yunani mobagi-bagimo timbalimo opat na kalaja'an, panyo mau pe'e sa'angu' madi' ko anu mahoson susumo kalaja'an u'utu mae momona.

DANIEL 8:5

Hau-haunyo aku montonto'i ia, tinoangku mule' sa'angu' na mee' lakinyo popopadeka' mae lengkat i sasu kinsoban nolowo'mo i dunia. Kalana talalo ahi' malia' sahingga tengkenyo madi'mo peja-peja' i i tano'. I olot nu ohua'na matanyo daagi ko sa'angu na tanduk anu tinumuu'mo mae.

DANIEL 8:7

Pinalahatikankumo na ia nondadupa'i domba lakinyo aijo'. Ia talalomo hondo sininggi sahingga dinupa'nyomo na domba lakinyo aijo' ka' nompato'imo ohu-ohua' na tanduknyo. Domba lakinyo aijo' madi'mo noko ala nongewa. Ia tinombasungonmo nokiijo' i tano' ka' pinahampeja'akonnyomo, ka' madi' kino samian pe'e na anu nontulungi ia.

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

MARKUS 13:27

Ia monsaije to mala-malaikat molimu' mian anu pinile'an-Nyomo lengkat i opat na pasu'nyo nu dunia aiya, lengkat i puus nu dunia toka-toka i puus nu langit.”

PO'ULE' INGULIT 31:20

Aha Ku boamo mamba i lipu' anu kaya ka' ma'omuk susumo anu jinanji'-Kumo hi mompolee' nu aha. Ikiijo' mae na aha tumuu'mo sanang ka' mohumpakmo ngangahan nu anu okaan apaa na anu nupalalui nu aha. Panyo lapas aijo' aha tolosule'mo ka' monsombahmo to pilo-pilogot sangga'at. Aha madi'mo mongala Aku ka' mompojalomo palajanjian-Ku,

ANU PINOTO'I HI YOHANES 7:1

Lapas aitu, aku nontoamo opat na malaikat tinuminjo i opa-opat na pasu'nyo nu dunia. Aha nontahanmo opa-opat na pasu'nyo nu mombun i dunia da bolimo ko mombunnyo anu tobung i katano'an, kabai i ambai, kabai mule' i to kau-kau'.