DANIEL 8:5 - KITAB NU TUMPU ALLA LELE MA'IMAI'

⁵ Hau-haunyo aku montonto'i ia, tinoangku mule' sa'angu' na mee' lakinyo popopadeka' mae lengkat i sasu kinsoban nolowo'mo i dunia. Kalana talalo ahi' malia' sahingga tengkenyo madi'mo peja-peja' i i tano'. I olot nu ohua'na matanyo daagi ko sa'angu na tanduk anu tinumuu'mo mae.

DANIEL 8:5 ပူးပေါင်းရင်းမြစ်များ

DANIEL 11:3

Lapas aijo' tokamo mae na samian na tomundo' anu baani hondo. Ia mompalentahmo kalaja'an anu daka' hondo aijo' ka' nu suka-sukaimo.

DANIEL 2:32

Anu binau ubaknyo mosoni' anu madi' kogalo'nyo, saha'annyo ka' botokonnyo salaka na binau, lampeokan tiba bengonyo tambaga na binau,

DANIEL 2:39

Panyo salatan kalaja'an nu belento Tuanku i madi'anmo, tokamo mae na kalaja'an sangga'at anu madi' pokakana na ko daka'nyo susumo kalaja'an nu belento Tuanku. Lapas aijo' tokamo mule' na kalaja'an anu ko totolu'nyo anu ilambangakon nu tambaga i butong nu patong aijo', anu mongkuasai songko-songko na dunia aiya.

DANIEL 7:6

Hau-haunyo aku montonto'i, binatang anu ko opatnyo ilubatmo mae na binatang sangga'at. Lupanyo sumo harimau panyo aita' itundunnyo opat na sumo polipik nu tomonsi' ka' ia ko ubaknyo opat. Ia otoa balakuasa hondo.

DANIEL 8:21

Mee' lakinyo mongibalatakon kalaja'an nu Yunani ka' mule' tanduk anu tinumuu'mo mae i olot nu matanyo ohu-ohua' aijo', aijo'mo na tomundo'nyo anu u'utu mae momona.

DANIEL 8:6

Mee' lakinyo aijo' nongohanimo domba lakinyo aijo' anu tinoangku isonibi nu kaunyo aijo', lantas kalana talalomo na singginyo dinadupa'annyomo nokiijo'.

DANIEL 8:8

Mee' lakinyo aijo' kinodaka-daka'nyomo. Panyo salatan sinukupmo hondo na kakuasa'annyo nopato'mo na tanduknyo anu daka' hondo aijo', lantas i tampat aijo' mule' tinumuu'mo opat na tanduk anu mantan, toto sa'angu' madi' pokakana na nu patui nu tanduk aijo'.