DANIEL 8:27 - KITAB NU TUMPU ALLA LELE MA'IMAI'

²⁷ Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

DANIEL 8:27 ပူးပေါင်းရင်းမြစ်များ

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 10:8

Aku pinalaianmo nu aha ikiijo' me posi sausa'ku ka' lewa'mo nompalahatikan anu tinoangku aijo' nonompotolokengkengmo mae aku. Aku madi' kinohenggo-henggo ohupku inesemo hondo.

DANIEL 4:19

Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

DANIEL 5:14

I hongongkumo na beleyum kinuasanmo nu roh nu to pilo-pilogot anu suci' ka' mule' beleyum ko kapandean, ka' mangalati' ka' mule' ko kapandean bapikin anu talalo hondo okahebati.

DANIEL 7:28

Sumo uuka na lapulan aiya. Aku nangada'mo hondo sahingga inesemo, panyo madi' ko samian pe'e na anu pinompoto'ianku apaa na anu jinadimo aijo' iwi-iwi'.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

DANIEL 8:2

Aku nontoa aijo', au' aitu butongku kiijo' mae i propinsi Elam, kiijo' i kota' Susan puso nu kota' Persia. Aku tinuminjo koko Kaunyo nu Ulai,

DANIEL 8:7

Pinalahatikankumo na ia nondadupa'i domba lakinyo aijo'. Ia talalomo hondo sininggi sahingga dinupa'nyomo na domba lakinyo aijo' ka' nompato'imo ohu-ohua' na tanduknyo. Domba lakinyo aijo' madi'mo noko ala nongewa. Ia tinombasungonmo nokiijo' i tano' ka' pinahampeja'akonnyomo, ka' madi' kino samian pe'e na anu nontulungi ia.

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

1 SAMUEL 3:15

Lapas aijo' i Samuel po ule'mo i hoyot, ka' nopatas mae subu-subu ia nobulamo ka' nontuhea'akonmo iwi-iwi' tumban nu Laigan nu Tumpu. Ia mabuhuk na mompoto'i anu tinoanyomo aijo' hi Eli,