DANIEL 8:25 - KITAB NU TUMPU ALLA LELE MA'IMAI'

²⁵ Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

DANIEL 8:25 ပူးပေါင်းရင်းမြစ်များ

AYUB 34:20

Tonga' pahu, aha timbali monti-montiik silakamo. Tumpu Allah mohukum anu ko kuasanyo ka' aha mule' silakamo; dengke hondo na ia mompatei mian anu mahoson.

YEREMIA 48:26

Tumpu notatae, “Popalangumo na Moab kalana ia kino bubunmo mae hi beleng-Ku Ia mongkaliade'imo anu ilua'nyomo ka' nu kokojoimo nu mian.

MOHAANGI 4:6

Mianku anu palesayamo i hukumo lebe maboat molingkudui aha mian anu jojoong i Sodom anu ola tolo kulap, i hansunmo na pinombau nu lima nu Tumpu Allah misa kalana pakalaja'an nu manusia.

DANIEL 11:12

Lapas aijo' ia sanangmo kalana inguntungmo na nahampate ka' kalana nonsilakaimo manjoo' hondo na sampobali' panyo ia madi' ahi' saja'mo balakuasa.

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 7:26

Lantas mian kopian kiita' isuluga' balagombumo ka' momputusimo da po ule'mo o, ala na kakuasa'annyo ka' mohansunimo ia sampe mingkot.

DANIEL 7:8

Hau-haunyo aku mompalahatikan tanduk haha aijo' monti-montiik sa'angu' na tanduk sangga'at tinumuu'mo i olotnyo. Tanduk aijo' ise'panyo timbali monggegenso ka' mombubut totolu' na tanduk haha aijo' anu memang polo-polo'mo. Tanduk ise'ai-aijo' ko matanyo sumo mata nu manusia, ko nganga'nyo ka' saja' montaeakon potatae anu taka-takabun.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

2 TESALONIKA 2:3

Mau mule' mosiamo boli mompojohok mian mongakali komiu. Kalana ma'isa pe'e toka na Sinaa aijo', tionyo timbali na han aiya momonanyo: Da'isan na mian anu molalin i kapalesaya'an sangga'at, mompojalomo i Kristus; ka' Mian anu Ma'idek tinantukanmo minsoop i nalaka tokamo mae mompotoa butongnyo.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”