DANIEL 8:24 - KITAB NU TUMPU ALLA LELE MA'IMAI'

²⁴ Ia timbalimo mahoson hondo, panyo madi' ola posi kahosonannyo. Ia mompotokamo mae kasusa'an anu okabuhuk ka' maumo pa'apaa na anu nu bau tionyo ahi' jadi. Ia mohopu'imo to mia-mian anu to babaani ka' mule' mian anu palesayamo hi Tumpu.

DANIEL 8:24 ပူးပေါင်းရင်းမြစ်များ

MAZMUR 37:35

Aku toho'mo nontoa samian na anu ma'idek na kinyonyoanyo anu mongka'ima'i saja' buulon; ia sumomo ahi' kau' anu molumba' ka' bakatnyo naleengmo.

DANIEL 11:23

Ia madi'mo montapali iwi-iwi' na palajanjian anu salaje binaunyo tiba aha bansa-bansa sangga'at. Ka' ia mompaka pahosonmo maumo ia ola pamalentah nu negara anu ise'.

DANIEL 12:7

Mian sangga'at aijo' nohangkatmo limanyo ohu-ohua' no kiita' ilangit. Ihongongkumo na ia binasumpa' i uno nu sanggo nu Tumpu anu tataap sampe toka sidu-sidutu' ka' notatae, “Kajadian-kajadian haha aiya saja' sabole-bole daagi' totolu' ka' mintonga' na taun. Salatan ponsakisan mian anu palesayamo hi Tumpu lapasmo, saba' suele lapasmo ahi' na kajadian-kajadian anu okabangangi haha aijo!”

DANIEL 7:25

Ia saidi' mae motatae, tukoonyo mongewamo Tumpu Anu Matangkas na Kuasanyo ka' mule' monsakisamo mian anu palesayamo hi hi Tumpu. Ia bala usaha da iwi-iwi na atulan obali'imo ka' mule' bau-bauon nu agama nu aha mian anu palesayamo hi Tumpu ka' mule' aha iamo na mongkuasai kopinnyo totolu' ka' mintonga na taun.

DANIEL 8:10

Tanduk aijo' nompaka daka'mo sampe nahosonmo hondo na nontumbuhi suludadu nu suluga' aijo'mo to manda-mandala', aitu pe'e tino pia-piangkuka na ilumbu'akonmo ahi' nokaiyong i tano' ka' pinahampeja'akonnyomo.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

DANIEL 8:12

Lantas mian haha kiijo' mae nontampu'unimo binaladosa' ka' madi'mo nonsombahkon to kolo-koloban anu tionyo ahi' obau na aijo'. Sahingga jalannyo mosia na monsombah Tumpu ingalinmo nokaiyong i tano'. Tanduk aijo' inguntungmo i uno nu iwi-iwi' na palabuatannyo.

DANIEL 8:23

De palabuatan anu ma'idek taha-tahahumo basida saba' aijo'mo na tandanyo kalaja'an haha aijo' malia'mo mingkot, sahingga samian na tomundo' anu bahangihi' ka' mule' pande na mongakali tokamo mae.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

ANU PINOTO'I HI YOHANES 17:17

Kalana Tumpu na nompotuka'mo i kinyonyoa nu aha da mombaumo tanga'an nu Tumpu. Tumpu nomposa'angu'mo tanga'an nu aha da mombee'mo kakuasa'an nu aha hi binatang aijo', da binatang aijo' mompalentahmo sahingga timbalimo apaa na anu tinaloakonmo nu Tumpu.

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”