DANIEL 8:18 - KITAB NU TUMPU ALLA LELE MA'IMAI'

¹⁸ Hau-haunyo ia notatae mae aijo' aku pinoso'mo. Panyo tinoongannyomo mae na aku ka' nontulungimo mae aku da po ule' tinuminjo. Lantas ia notataemo,

DANIEL 8:18 ပူးပေါင်းရင်းမြစ်များ

KAJADIAN 15:12

Salatan batu nu sinaa kahanda'mo makakinsap, i Abram kinahoyotanmo. Monti-montiik ingoa'annyo talalomo hondo nabuhuk.

AYUB 4:13

Aku madi'mo tinohoyot ka' tinolosikangkangmo, sumo nongipimo anu ma'idek pihi-pihi tonga'bongi'.

YEHEZKIEL 2:2

Salatan potatae aijo' ihongongkumo ninsoopmo na Roh nu Tumpu hi belengku, ka' binulaakonnyomo na aku. Lapas aijo' po ule' mule' ihongongku na potatae nontaloakon,

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 10:18

Sahingga daagi' minsan na ia nongkanyang mae aku lantas ingoa'anku hosonku nintuangmo.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

DANIEL 8:27

Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

ZAKHARIA 4:1

Malaekat anu nonotataemo mae hi belengku tinoka mule' mae ka' nombulakonmo aku susumo nombulakon mian anu hoyo-hoyot.

LUKAS 22:45

Noko balado'a, i Yesus po'ule'mo ninsusule' hi anu saja' mombatuki Ia. Tinokan-Nyo na aha hau-haunyo hoyot, kalana talalomo nolibos.

LUKAS 9:32

Tempo'nyo aitu i Petrus tiba to sanga-sangalunyo kinahoyotanmo, panyo monti-montiik nobulamo ka' nontoa i Yesus jinongkilabanmo, ka' ua ua'aha na mian aijo' tinjo-tinjo tiba Ia.

SISIKON NU TO RASUL-RASUL 26:6

Ka' uuka aku tuminjo i aiya da o ulus kalana aku palesaya hi janji' anu binau nu Tumpu hi mompolee' mami.

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.