DANIEL 8:17 - KITAB NU TUMPU ALLA LELE MA'IMAI'

¹⁷ Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

DANIEL 8:17 ပူးပေါင်းရင်းမြစ်များ

KAJADIAN 17:3

Lantas tinolodadupumo na i Abram, lapas aijo' Tumpu Allah notataemo,

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

YEHEZKIEL 2:1

nontaloakon, “O, manusia anu madi' tumuu' pati tinjomo. Aku kahanda'mo motatae hi beleyum.”

YEHEZKIEL 44:4

Lapas mule' mo'ane aijo' nomboamo aku i sabatan daka' sasu utara anu mompaha ahop tiba Laigan nu Tumpu. Aku nompalahatikanmo ka' tinoangkumo na Laigan nu Tumpu aijo' jiningkanmo nu jingka anu jongkilaban salaku tandanyo tinokamo na Tumpu. Lantas aku tinolodadupumo ka' nonsombahmo,

YEHEZKIEL 6:2

“O, manusia anu madi' tumuu' batu tonto'i mokiita' na to bungku-bungkutnyo nu Israel ka' poto'i na potuunon-Ku aiya aha ohukumo.

DANIEL 10:11

Malaekat aijo' notataemo mae hi belengku, “O, Daniel, beleyum nu kalibosi nu Tumpu. Pobulaamo ka' mule' tinjomo lantas potombihingmo mae na potataengku aiya ima-ima'. Aku aiya sinaimo mae toka hi beleyum.” Tempo'nyo ia nontaloakon han aijo' aku tinuminjomo ka' ilakatnyomo.

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 11:27

Lapas aijo' ua-ua'aha na tomundo' aijo' sumuhangmo mongahopi sa'angu' na meja ka' mongkaanmo hingga-hinggat, panyo aha toto samian ko posi-posi niat ma'idek ka' aha mompaha bale-baleko'i. Panyo tanga'an nu aha aijo' madi' jinadi kalana misa' pe'e tempo'nyo.

DANIEL 11:40

De kakuasa'annyo nu tomundo' nu lipu' sasu utara ohanimo mingkot, saba' tomundo' nu lipu' sasu salatan montumbuhimo mae ia. Lantas tomundo' nu lipu' sasu utara mombalosimo aha anu nontumbuhimo mae aijo' ka' memang nu ideimo totu-totu'u. Manjoo' hondo na kareta anu bau pahampate; ajahan, tiba kapan, Nu tumbuhimo totu-totu'u susumo uee anu ingiaba'mo ka' mongkuasaimo manjoo' hondo na lipu'.

DANIEL 12:13

Beleyum, Daniel, tulu-tulutan ahi' sampe toka imihinyo mae. Beleyum tantu silaka, panyo po ule' tumuu' ka' montalimamo tambonyo na beleyum de tokamo na tempo'nyo nu kakiamatan.” 45

DANIEL 12:4

Lantas malaekat aijo' notatae mule' hi belengku, “Daniel, tutupmo na kitab atina' uuka aiya ka' pokonaimo segen da tataap tatutup sampe tokamo na tempo'nyo nu kakiamatan. Manjoo' na mian anu kahanda' monsoba monselidiki apaa na anu jinadimo uuka aiya. Panyo usaha nu aha madi' kino gunanyo.”

DANIEL 2:46

Lantas tinolodadupumo na i Tomundo' Nebukadnezar hi ahop i Daniel ka' nombee'i palentah da i Daniel oholomati ka' osombahkon hi ia na koloban anu opotunu tiba palasombahan-palasombahan sangga'at.

DANIEL 7:16

Lantas ingohaniankumo na sala'samian anu tinuminjo ikiijo' ka' pinoitangkumo na katalangan nu anu jinadimo iwi-iwi' aijo'. Sahingga pinoto'inyomo mae.

DANIEL 8:15

Hau-haunyo aku bala usaha kahanda' da monsumbu' alati'nyo nu anu tinoa aijo', madi' pinin tinuminjomo i ahopku na anu susumo manusia.

DANIEL 8:19

“Kupoto'ije hi beleyum apaa na anu jadi saidi' mae salaku akibatnyo kalana Tumpu pusamo. Kalana anu tinoa nu beleyum atina' bau salaku pompoto'i kakiamatan.

DANIEL 8:27

Lapas aijo' aku i lundengmo lantas nasakitmo pa' sinangkuka na sinaa na kinopinnyo. Lapas aijo' aku nobulamo ka' po'ule'mo nombau pakalaja'anku anu bau kapentingan i tomundo'. Panyo aku madi'mo sinanang na lewa' mompopikilakon anu saja' tinoangku aijo' ka' mule' madi' noko ala nongalati'i.

DANIEL 9:23

Salatan beleyum notampu'unimo nongkakase hi Tumpu, Ia nontaamimo. Aku toka mae da mompotokakon kalana Ia mongkalibosi beleyum. Jadi potombihing mae ima-ima' hau-haunyo aku montalangkan alati'nyo nu anu tinoa aijo'.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

MATIUS 17:8

Salatan tinoa nu aha, aha madi'mo nontoa mau pe'e ihe, boli mompiakon i Yesus.

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

ANU PINOTO'I HI YOHANES 22:8

Aku, i Yohanes nohongomo ka' nontoamo iwi-iwi' aiya. Salatan aku nohongomo ka' nontoamo, aku dinumaladupumo i ahop nu malaikat anu nompoto'imo iwi-iwi' aijo' hi belengku, ka' aku kahanda' monsombahmo ia,