DANIEL 8:15 - KITAB NU TUMPU ALLA LELE MA'IMAI'

¹⁵ Hau-haunyo aku bala usaha kahanda' da monsumbu' alati'nyo nu anu tinoa aijo', madi' pinin tinuminjomo i ahopku na anu susumo manusia.

DANIEL 8:15 ပူးပေါင်းရင်းမြစ်များ

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

DANIEL 10:16

Lapas aijo' malaekat anu susumo manusia nontajuakonmo mae limanyo ka' nongkanyangmo mae biwingku. Aku notataemo hi ia, “O, Tuan anu tinoangku aiya nonsaduakonmo aku nabuhukmo hondo sahingga aku madi'mo noko ala nongkohenggo.

DANIEL 10:18

Sahingga daagi' minsan na ia nongkanyang mae aku lantas ingoa'anku hosonku nintuangmo.

DANIEL 10:5

Aku nonsinda nokiita' lantas tinoangku samian na anu nompusok baju' hude lenan ka' mule' pombutu'nyo mosoni' anu madi' ko galo'nyo.

DANIEL 12:8

Iwi-iwi' na anu tinaloakonnyomo aijo' memang ihongongkumo panyo aku madi' mangalati'. Lantas pinokilawangkumo, “O, Tuan mosiamo ahi' de iwi-iwi' aiya lapasmo?”

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

DANIEL 7:28

Sumo uuka na lapulan aiya. Aku nangada'mo hondo sahingga inesemo, panyo madi' ko samian pe'e na anu pinompoto'ianku apaa na anu jinadimo aijo' iwi-iwi'.

DANIEL 8:1

I taun kinototolu'nyomo na i tomundo' Belsyazar nompalentah aku nontoa mule' kinopinduannyo.

DANIEL 8:19

“Kupoto'ije hi beleyum apaa na anu jadi saidi' mae salaku akibatnyo kalana Tumpu pusamo. Kalana anu tinoa nu beleyum atina' bau salaku pompoto'i kakiamatan.

ZAKHARIA 1:9

Pinokilawangkumo hi ia, “O, Tuan apaa na alati'nyo ajahan haha aijo' iwi-iwi'?” Ia nontaami, “Ku potiju'je na alati'nyo hi beleyum.

MATIUS 13:36

Lapas aitu i Yesus nompala'imo mian da'isan aijo', lantas ninsoop i laigan. Anu saja' mombatuki Ia tinoka ka' notatae, “Soba kita Tuuma talangkan mae hi kami na alati' nu kantuang anu mongkona to pada-padang i totonga' nu gandum aijo'.”

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

MATIUS 24:30

Lapas aijo' tanda Anak nu Mian otoamo aita' i langit. Tempo'nyo aitu iwi-iwi' na bansa i dunia humaangmo. Aha montoamo Anak nu Mian toka aita' i bawo nu kundom tiba kuasanyo anu daka' hondo.

MARKUS 13:14

“Komiu montoaje' ‘Ka'idekan anu Monsilakai’, tuminjo i tampat anu opoliwa' hi ia. (Pompotuka' hi anu mombasa': Palahatikan apaa na alati'nyo!) Tempo'nyo aitu mian anu jojoong i Yudea, tionyo malai mamba i i bungkutnyo.

MARKUS 4:12

da ‘Aha tionyo mompalahatikan panyo madi' osumbu' pa' apaa na anu jinadi, aha daagi' tionyo saja' mohongo, panyo madi' mangalati', aiya tinimbali da aha boli montoa ka' mangalati' ka' boli toka hi Tumpu ka' Tumpu mongampuni aha.’ ”

YOSUA 5:14

“Misa sangalu, ka' mule' misa' sampobali',” tinaaman nu mian aijo'. “Aku mo'uuka mae salaku kapala nu suludadu nu Tumpu.” Nohongo aijo' i Yosua nalia-lia' tinolodadupu ka' nonsombah mian aijo'. I Yosua notataemo, “Aku aiya posaihon nu Tumpu. Apaa na anu timbali ku bau hi belento Tumpu?”

ANU PINOTO'I HI YOHANES 1:13

I totonga' nu tengke nu sulu' haha aijo', tinuminjo na samian o toa sumo mian. Ia nompusok juba' anu komantannyo toka i tengke. I saha'annyo, Ia nompake kukup nu saha'an mosoni' na binau.

ANU PINOTO'I HI YOHANES 13:18

I aiya palalu daagi' ko kapandean. Mian anu pande moko ala molekeng alati'nyo nu nomon nu binatang aijo', kalana nomon aijo' atina'mo na sanggo nu samian na mian. Nomonnyo aijo'mo, 666.