DANIEL 8:13 - KITAB NU TUMPU ALLA LELE MA'IMAI'

¹³ Lapas aijo' ihongongkumo samian na malaekat notatae hi sangga'at, “Sampe toka hipian na kopinnyo na iwi-iwi' anu tinoa aijo'saja' sabole-bole motuus? Sampe toka hipian na kopinnyo na dosa' daka' ai-aijo' mombolosimo koloban anu sansina-sinaa obau? Sampe toka hipian na kopinnyo na suludadu nu suluga' ka' laigan ponsomban Tumpu aijo' opahampeja'akon?”

DANIEL 8:13 ပူးပေါင်းရင်းမြစ်များ

MAZMUR 74:10

Hipianje na belenti, O, Tumpu, na anu monsampobali' mae belentimo madi'mo mongkokojoi Belento? Pa' sampemo toka sidu-sidutu' na aha mongalu sanggo nu Belento?

MAZMUR 74:9

To nabi-nabi ka' tanda-tanda anu okabangangi madi'mo daagi' tinoa, ka' madi' ko anu monsumbu' pa' hipianje na anu susumo aiya belentimo.

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

YESAYA 28:18

Palajanjian nu belemiu tiba kapatean ka' mule' palasitujuan nu belemiu tiba dunia nu mian anu sinilakamo osampomo, sahingga de balaa' aijo' tokamo mae belemiu mohintutumo na opahampeja'akon.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YESAYA 63:18

Kadaka' Nu pojohokmo na sampobali' mompahampeja'akonmo Laigan nu Belento, ka' to mia-mian mohumimi'imo puge'nyo nu Belento anu susi'?

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 12:10

Nanjoo'mo na anu balakuasa lengkat mae isalipu'an nongideimo ale' nu anggur-Ku ka' sola'mo nompahampeja'akon ale'-Ku. Lipu'-Ku anu ma'ima' hondo binali'anmo nu aha sahingga tinimbalimo padang tampat anu mateges ka' iliingmo.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 12:11

Lengkat pe'e tempo'nyo koloban anu osombahkon sansinaa-sinaa aijo' tinewa'mo ka' mule' hahan anu okabuhuk ka' mule' anu osanggohi palabuatan Ma'idek monsaduakon kahansunan aijo' lewa-lewa'mo binau, madi'mo timbali obau 1.290 na sinaa.

DANIEL 12:8

Iwi-iwi' na anu tinaloakonnyomo aijo' memang ihongongkumo panyo aku madi' mangalati'. Lantas pinokilawangkumo, “O, Tuan mosiamo ahi' de iwi-iwi' aiya lapasmo?”

DANIEL 4:10

Hau-haunyo aku hoyo-hoyot tinoangku sampu'un na kau' tinumuu' i totonga' nu dunia.

DANIEL 4:13

Hau-haunyo aku mompoinau'akon anu tinoa aijo' tinoangku mule' samian na malaekat nintatau'mo mae lengkat i suluga'; sikapnyo otoa susumo anu balajaga-jaga.

DANIEL 4:23

Belento Tuanku nontoa samian na malekat nintatau' lengkat mae i suluga' ka' notatae, ‘Taa'mo na kau' aiya ka' hansunimo panyo pojohok na tu'nyo kaiyong i uno nu tano'. Segoti nu lante besak ka' tambaga lantas pojohokmo i hemput padang. Pojohokmo na ia da nuhumpisi nu dondu'ok ka' hingga-hinggat tumuu'mo tiba to bina-binatang kopinnyo popitu' na tahun'.’

DANIEL 7:16

Lantas ingohaniankumo na sala'samian anu tinuminjo ikiijo' ka' pinoitangkumo na katalangan nu anu jinadimo iwi-iwi' aijo'. Sahingga pinoto'inyomo mae.

DANIEL 7:23

Sumo uuka na katalangannyo anu ihumpakumo, “Binatang anu ko opatnyo aijo', aijo'mo na kalaja'an anu ko opatnyo anu tinuminjo i dunia aiya ka' madi' pokakana tiba kalaja'an haha aijo' sangga'at. Kalaja'an aijo' mohansunimo ka' mule' mongkuasaimo songko-songko na dunia ka' mompahampeja'akonmo tuha'nyo.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

ZAKHARIA 1:19

Pinokilawangkumo hi malaekat, anu notatae mae hi belengku, “Apaa na alati'nyo nu tanduk-tanduk haha aijo'?” Ia nontaami mae, “Tanduk-tanduk haha aijo' salaku tanda to kala-kalaja'an anu toto hoso-hoson momposungkehetmo mian anu jojoong i Yehuda, Israel, tiba Yerusalem.”

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

MARKUS 13:14

“Komiu montoaje' ‘Ka'idekan anu Monsilakai’, tuminjo i tampat anu opoliwa' hi ia. (Pompotuka' hi anu mombasa': Palahatikan apaa na alati'nyo!) Tempo'nyo aitu mian anu jojoong i Yudea, tionyo malai mamba i i bungkutnyo.

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

LUKAS 21:20

“De otoa miu na Yerusalem nutumbuhimo nu suludadu, osumbu'mo miu taalu' madi'mo pin kota aijo' o ideimo.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

1 TESALONIKA 3:13

Tiba jalan anu sumo aijo' Tumpu mompohosonje kinyonyoa miu, sahingga komiu susi'mo ka' madi' ko alunyo i ahop nu Tumpu Tuumanto, de Tumpunto i Yesus tokamo hingga-hinggat tiba iwi-iwi' na mian anu Iamo na tumpu-Nyo.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

YUDAS 1:14

I Henokh, lee'mo ko popitu'nyo lengkat mae hi Adam, naipuan mae toho'mo nonsisikakon kantumuu'an nu mian haha aijo'. I Henokh notatae, “Toa, Tumpu tokaje mae tiba to mala-malaikatnyo anu susi' i mada-madalannyo

ANU PINOTO'I HI YOHANES 11:2

Panyo boli mombobati natannyo i sasu sambiha'nyo nu Laigan nu Tumpu aijo', kalana bahagian aijo' binee'mo hi to mia-mian anu madi' monsumbu' Tumpu. Ahamo na mompahampeja'akon kota anu susi' aijo' patompulu' ka' ohua' na bitu'on na kopinnyo.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”

TO MIA-MIAN KOPIAN 13:18

Malaekat nu Tumpu aijo' nompokilawa, “Kadaka' beleyum mongkahanda'i monsumbu' sanggongku? Sanggongku aijo'sanggo anu okabangangi.”