DANIEL 7:9 - KITAB NU TUMPU ALLA LELE MA'IMAI'

⁹ Hau-haunyo aku saja' montonto'i to pia-piangkuka na kadela nu tomundo' pinokokomo. Lantas Ia anu tumuu' sampe toka sidu-sidutu' sinumuhangmo i sala' sa'angu'na kadela nu tomundo' aijo'. Baju'-Nyo ka' bulu nu ubak-Nyo pute' ka' belesi' hondo sumomo ahi' kabu-kabung. Kadela-Nyo aijo' ko loda-lodanyo singkap moak kalana nusuhap nu apu,

DANIEL 7:9 ပူးပေါင်းရင်းမြစ်များ

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

2 TAWARIKH 18:18

I Mikha po'ule' mule' notatae, “Uuka aiya soba potombihing apaa na anu pinoto'imo nu Tumpu! Aku nontoa Tumpu suha-suhang aita' i kasuhangannyo i suluga', ka' iwi-iwi' na malaekat-Nyo singkapmo tinuminjo koko hi Ia.

MAZMUR 45:8

Beleyum mongka'ima'i anu totu'u ka' mongka'ideki anu ma'idek; mokonyo aijo', Tumpu, Tumpu nu beleyum nompile'imo beleyum, ka' nompo ima'mo kantumuu'an nu beleyum ka' nolingkuduimo to tomu-tomundo' sangga'at.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

MAZMUR 93:2

Kalaja'an nu Belento mahoson hondo salatanmo pe'e momonanyo, memang ma'isa pe'e iwi-iwi' pinotimbali, polo-polo'mo daagi' kino Belentonyo.

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 49:38

To tomu-tomundo' tiba to mia-mian anu ko pangkatnyo aijo' hi aha, Ku hansunimo ka' aijo' ilipu' nu aha saidi' mae Ku potinjomo na kapalentahan-Ku.

YEHEZKIEL 1:26

Aita' mae i bawo nu anu susumo pinoboloyuk mae, daagi' ko anu pokakana sumo tampat kajojoongan batu nilam na binau ka' aita' suha-suhang daagi' ko anu susumo manusia.

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

DANIEL 7:22

Lapas aijo' Ia anu tumuu' sampe toka sidu-sidutu' tokamo mae lantas mombee'imo kaputusan anu mompototu'u mian anu palesayamo hi Tumpu Allah Anu Matangkas na Kuasanyo. Tinokamo na tempo'nyo aha montalimamo kuasa da mompalentahmo.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

MATIUS 17:2

I ahop nu aha, i Yesus nongabali'mo, misa'mo sumo butongnyo biasa: Ohup-Nyo tinimbalimo najingka sumo sinaa, ka' pakean-Nyo mopute' jongkilaban.

MATIUS 28:3

Ohupnyo nu Malaikat aijo' sumo kilat ka' pakeannyo pute' hondo.

MARKUS 9:3

Pakean-Nyo tinimbalimo nopute' ka' binakongkilap. Madi' ko samian na anu saja' mombaso'i hude i dunia aiya anu moko ala mombaso'i sumo ko pute'nyo aijo'.

SISIKON NU TO RASUL-RASUL 2:30

Tumpu noko bajanji'mo hi Daud, tiba sumpa', saba' sala' samian lengkat i lee'nyo ohangkatje nu Tumpu timbali tomundo. Kalana i Daud monsumbu' janji' aijo', ka' kalana ia suele nabi,

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

1 YOHANES 1:5

Aiya na lele anu i hongomo mami lengkat mae hi Anak-Nyo ka' anu opotokamo mami hi komiu: Tumpu aijo' jingka, ka' hi Ia madi' hondo-hondo kokapintungan.

ANU PINOTO'I HI YOHANES 1:14

Ubak-Nyo pute' sumo bulu nu domba, pokakana sumo kopute'nyo nu kapos. Mata-Nyo moak sumo apu;

ANU PINOTO'I HI YOHANES 19:18

Imbo'mo da mongkaan antoknyo nu to tomu-tomundo, antoknyo nu to kapa-kapala nu suludadu anu matangkas na pangkatnyo, ka' antoknyo nu to sulu-suludadu anu baani; imbo'mo da mongkaanmo antoknyo nu to mia-mian anu monsake'i ajahan, tiba antoknyo nu to aja-ajahannyo ka' antoknyo nu iwi-iwi' mian, anu daka' ka' anu ise', posaihon ka' mian anu bebas!”

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.

ANU PINOTO'I HI YOHANES 4:2

Balomo aku kinuasan nu Roh nu Tumpu. Lantas aku nontoa aita' i suluga' daagi' ko sa'angu' na kasuhangan, ka' daagi' ko samian na anu sinumuhang i kasuhangan aijo'.