DANIEL 7:7 - KITAB NU TUMPU ALLA LELE MA'IMAI'

⁷ Hau-haunyo aku montonto'i, binatang anu ko opatnyo ilubatmo mae. Ia mahoson hondo ka'baani ka' okabuhuk. Bese'nyo anu toto daka-daka' ka' talalo mokuut susumo besak nohansunimo ka' pinaha kaannyomo na kaanonnyo lantas pinahampeja'akonnyomo na tuha'nyo. Madi' pokakana tiba binatang anu ma'isa pe'e kino ianyo aijo, ia ko tanduknyo sampulu'.

DANIEL 7:7 ပူးပေါင်းရင်းမြစ်များ

2 SAMUEL 22:43

Aku lewa'mo tinutuk sumomo abu' anu nohimpuamo ka' sinapuankumo sumomo hensek i jalan.

AYUB 41:14

Ihe na moko ala mombengat sumbangnyo anu mahoson hondo aijo'; anu ko bese'nyo ka' okabuhuk?

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

DANIEL 8:10

Tanduk aijo' nompaka daka'mo sampe nahosonmo hondo na nontumbuhi suludadu nu suluga' aijo'mo to manda-mandala', aitu pe'e tino pia-piangkuka na ilumbu'akonmo ahi' nokaiyong i tano' ka' pinahampeja'akonnyomo.

DANIEL 8:22

Opa-opat na tanduk anu tinumuu' mae salatan tanduk momona aijo' nopato'mo alati' nyokalaja'an nu Yunani mobagi-bagimo timbalimo opat na kalaja'an, panyo mau pe'e sa'angu' madi' ko anu mahoson susumo kalaja'an u'utu mae momona.

ZAKHARIA 2:1

Anu po ule' mule' tinoangku, nontoamo mo'ane samian nontoongi kahohon bau pongukun.

ANU PINOTO'I HI YOHANES 12:3

Lantas kinantoaan mule' i langit na apa-apaa anu okabangangi. Daagi' ko sa'angu' mule' na ulo momea' anu daka' hondo, ko ubaknyo popitu', ka' sampulu' na tanduknyo. Toto sa'angu' na ubaknyo nomposongko'mo sa'angu' na makota.

ANU PINOTO'I HI YOHANES 13:1

Lapas aitu aku nontoamo sa'angu' na binatang i lubat lengkat mae i uno nu ambai. Ia ko tanduknyo sampulu' ka' popitu' na ubaknyo. Toto sa'angu' na tanduknyo ko makotanyo sa'angu', ka' toto sa'angu' na ubaknyo ko tulisannyo sa'angu' na sanggo anu mompopo'ise' Tumpu.

ANU PINOTO'I HI YOHANES 17:12

Sampulu' na tanduk anu tinoa nu beleyum aijo', atina'mo sampulu' na tomundo anu ma'isaje nontampu'uni nompalentah. Panyo aha obee'ije kuasa da mompalentah salaku tomundo mohingga-hinggat tiba binatang aijo', kopinnyo sajam.

ANU PINOTO'I HI YOHANES 17:7

Lantas malaikat aijo' notataemo mae hi belengku, “Apaa na sababnyo beleyum kino banga-bangangmo? Da ku poto'i hi beleyum na lahasia nu boune aijo' ka' lahasia nu binatang anu sinake'annyo, aijo'mo binatang anu ko tanduknyo popitu', ka' ubaknyo sampulu'.

ANU PINOTO'I HI YOHANES 17:8

Binatang aijo' naipuan mae toho'mo tinumuu', panyo uuka aiya madi'mo daagi' tinumuu'. Madi'mo pin na ia mosabatmo mae lengkat i keles kapatean ka' mambamo monsolok kapatean. To mia-mian anu tumuu' i dunia, anu sanggonyo madi' tinulis i uno nu Kitab nu Mian Tumuu' ma'isa pe'e dunia pinotimbali, tantu bangangmo de montoamo binatang aijo'. Kalana binatang aijo' naipuan mae toho'mo tinumuu'. Tempo' uuka aiya ia madi'mo daagi' tinumuu', panyo ia po'ule'je lubat.