DANIEL 7:6 - KITAB NU TUMPU ALLA LELE MA'IMAI'

⁶ Hau-haunyo aku montonto'i, binatang anu ko opatnyo ilubatmo mae na binatang sangga'at. Lupanyo sumo harimau panyo aita' itundunnyo opat na sumo polipik nu tomonsi' ka' ia ko ubaknyo opat. Ia otoa balakuasa hondo.

DANIEL 7:6 ပူးပေါင်းရင်းမြစ်များ

YEHEZKIEL 17:3

anu Aku, Tumpu Anu Matangkas na Kuasanyo mompoto'imo hi aha: Daagi' ko sa'angu' na bonyia' anu daka' hondo bulunyo ma'ima' hondo ka' polipiknyo bola ka' mule' mahoson. Ia ilumahapmo nokiita' i bungkutnyo nu Libanon, nompato' londik nu sangkau na kau' lontio',

DANIEL 10:20

Lantas tinaamannyomo mae, “Pa' nu sumbu' nu beleyum kadaka' aku tinokamo mae hi beleyum? Makisudnyo da mompoto'i hi beleyum apaa na anu tinulismo i uno nu Kitab anu Madi' baleko'. Uuka aiya aku tionyo ahi' minsusule'mo da mambamo mahampate mongewa malaekat anu monjagai Persia. Lapas aijo' malaekat anu monjagai Yunani tokamo mae. Madi' ko sangga'atannyo na anu nontulungi mae aku, ola-olanyomo ahi' i Mikhael malaekat anu monjagai Israel, negara nu beleyum.

DANIEL 2:39

Panyo salatan kalaja'an nu belento Tuanku i madi'anmo, tokamo mae na kalaja'an sangga'at anu madi' pokakana na ko daka'nyo susumo kalaja'an nu belento Tuanku. Lapas aijo' tokamo mule' na kalaja'an anu ko totolu'nyo anu ilambangakon nu tambaga i butong nu patong aijo', anu mongkuasai songko-songko na dunia aiya.

DANIEL 7:4

Anu momona sumo singa panyo ia kopolipiknyo susumo tomonsi' alaimbelong. Hau-haunyo aku montonto'i madi' pinin polipiknyo tinombubutmo ka' nototodakmo; ia tinolohangkatmo lengkat i tano' ka' pinotinjomo i ohua' na tengke susumo manusia, lantas binee'anmo pikilan nu manusia.

DANIEL 7:5

Binatang anu ko ohua'nyo sumo beruang. Ia tuminjo nu tengkenyo anu i pa'anyo sasu hikunyo, ka' nontoong totolu' na kolongannyo nu bukunyo nu has sika-sika sengan i bese'nyo. I hongongku na potatae hi ia, “Soba kaanmo na antok nu ponoha' konjoo'nyo yayamo na anu nu ka'ima'i!”

HOSEA 13:7

Kalana aijo' Ku hakopmo na belemiu susumo singa, susumo macan tutul. Ku tumbuhimo na belemiu i jalan.

ANU PINOTO'I HI YOHANES 13:2

Binatang anu tinoangku aijo' sumo harimau, ka' tengkenyo sumomo tengke nu beruang, ka' nganga'nyo sumomo nganga' nu singa. Lantas binatang aijo' binee'an nu ulo anu talalo hondo daka' aijo' kahosonannyo, ka' kasuhangannyo, tiba mule' ahi' kakuasa'annyo anu daka'.