DANIEL 7:23 - KITAB NU TUMPU ALLA LELE MA'IMAI'

²³ Sumo uuka na katalangannyo anu ihumpakumo, “Binatang anu ko opatnyo aijo', aijo'mo na kalaja'an anu ko opatnyo anu tinuminjo i dunia aiya ka' madi' pokakana tiba kalaja'an haha aijo' sangga'at. Kalaja'an aijo' mohansunimo ka' mule' mongkuasaimo songko-songko na dunia ka' mompahampeja'akonmo tuha'nyo.

DANIEL 7:23 ပူးပေါင်းရင်းမြစ်များ

DANIEL 2:40

Lapas aijo' tokamo mule' na kalaja'an anu ko opatnyo anu ko hosonnyo susumo besak. Ka' susumo besak mompohintutumo ka' mohansuni maumo pa' apaa, sumo aitu mule' na kalaja'an anu ko opatnyo aiya mompohintutu ka' mohansuni to kala-kalaja'an sangga'at aijo'.

DANIEL 7:22

Lapas aijo' Ia anu tumuu' sampe toka sidu-sidutu' tokamo mae lantas mombee'imo kaputusan anu mompototu'u mian anu palesayamo hi Tumpu Allah Anu Matangkas na Kuasanyo. Tinokamo na tempo'nyo aha montalimamo kuasa da mompalentahmo.

DANIEL 7:24

Anu sampulu' na tanduk haha aijo', aijo'mo na tomundo' aha sampulu' anu mompalentah saidi' mae kalaja'an aijo'. Lapas aijo' samian na tomundo' sangga'at tokamo mae; ia madi' hondo pokakana tiba to tomu-tomundo' anu momona, ka' ia na anu mompatundu' totolu' na tomundo'.

DANIEL 7:7

Hau-haunyo aku montonto'i, binatang anu ko opatnyo ilubatmo mae. Ia mahoson hondo ka'baani ka' okabuhuk. Bese'nyo anu toto daka-daka' ka' talalo mokuut susumo besak nohansunimo ka' pinaha kaannyomo na kaanonnyo lantas pinahampeja'akonnyomo na tuha'nyo. Madi' pokakana tiba binatang anu ma'isa pe'e kino ianyo aijo, ia ko tanduknyo sampulu'.

LUKAS 2:1

Tempo'nyo aijo' i Tomundo Agustus nompalentahkon da iwi-iwi' na layat nu kalaja'an Roma mombee' sanggo o tulis da o bilang na konjoo'nyo.