DANIEL 7:20 - KITAB NU TUMPU ALLA LELE MA'IMAI'

²⁰ Kahanda' mule' kusumbu' pa apaa na alati'nyo na sampulu' na tanduk i ubaknyo ka' mule tanduk anu ise' ai-aijo' anu tinumuu' mae lantas nombubutmo totolu' na tanduk haha aijo' anu tinumuu'mo momona. Tanduk anu ise' ai-aijo' ko matanyo ka' mule' ko nganga'nyo ka' potataenyo saja' takabun. Ia talalo hondo okabuhuk nu lingkudui na tanduk haha aijo' sangga'at.

DANIEL 7:20 ပူးပေါင်းရင်းမြစ်များ

DANIEL 7:11

Hau-haunyo aku montonto'i daagi' saja' ihongongku na tanduk ise' ai-aijo' nontaeakon potatae anu to taka-takabun. Lapas aijo' binatang anu ko opatnyo aijo' pinateanmo ka' bangke'nyo ilumbu'akonmo i uno nu apu sahingga noangotmo.

DANIEL 7:19

Lapas aijo' aku mongkahanda'imo da monsumbu' alati'nyo nu binatang anu ko opatnyo aijo' anu madi' pokakana tiba binatang sangga'at; anu talalo okabuhuk hondo ka' nohansunimo ka' mule' nongkaanmo kaanonnyo anu ihakop nu konukunyo tambaga' ka' bese'nyo besak, ka' nompahampeja'akonmo tuha'nyo.

DANIEL 7:21

Salatan pinalahatikankumo talu' tanduk aijo' mahampate mongewamo mian anu palesayamo hi Tumpu ka' mompatundu'mo aha.

DANIEL 7:23

Sumo uuka na katalangannyo anu ihumpakumo, “Binatang anu ko opatnyo aijo', aijo'mo na kalaja'an anu ko opatnyo anu tinuminjo i dunia aiya ka' madi' pokakana tiba kalaja'an haha aijo' sangga'at. Kalaja'an aijo' mohansunimo ka' mule' mongkuasaimo songko-songko na dunia ka' mompahampeja'akonmo tuha'nyo.

DANIEL 7:7

Hau-haunyo aku montonto'i, binatang anu ko opatnyo ilubatmo mae. Ia mahoson hondo ka'baani ka' okabuhuk. Bese'nyo anu toto daka-daka' ka' talalo mokuut susumo besak nohansunimo ka' pinaha kaannyomo na kaanonnyo lantas pinahampeja'akonnyomo na tuha'nyo. Madi' pokakana tiba binatang anu ma'isa pe'e kino ianyo aijo, ia ko tanduknyo sampulu'.

DANIEL 7:8

Hau-haunyo aku mompalahatikan tanduk haha aijo' monti-montiik sa'angu' na tanduk sangga'at tinumuu'mo i olotnyo. Tanduk aijo' ise'panyo timbali monggegenso ka' mombubut totolu' na tanduk haha aijo' anu memang polo-polo'mo. Tanduk ise'ai-aijo' ko matanyo sumo mata nu manusia, ko nganga'nyo ka' saja' montaeakon potatae anu taka-takabun.

ANU PINOTO'I HI YOHANES 12:3

Lantas kinantoaan mule' i langit na apa-apaa anu okabangangi. Daagi' ko sa'angu' mule' na ulo momea' anu daka' hondo, ko ubaknyo popitu', ka' sampulu' na tanduknyo. Toto sa'angu' na ubaknyo nomposongko'mo sa'angu' na makota.