DANIEL 7:14 - KITAB NU TUMPU ALLA LELE MA'IMAI'

¹⁴ Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

DANIEL 7:14 ပူးပေါင်းရင်းမြစ်များ

MAZMUR 102:22

Sahingga sanggonyo obebakonmo kiijo' i Sion, ka' Ia lewa'mo o puji' kiijo' i Yerusalem.

MAZMUR 103:19

Tumpu mompalentah kiita' mae i suluga', iamo na tomundo anu mongkuasai iwi-iwi'.

MAZMUR 145:13

Kapalentahan nu Belento sampe toka sidu-sidutu', kakuasa'an nu Belento tataap sampe molundu-lundu na tulunan. Tumpu saja' mongganapi iwi-iwi' apaa na anu jinanji'-Nyomo, Ia talalo hondo mongkalibosi iwi-iwi' apaa na anu binau-Nyomo.

MAZMUR 146:10

Tumpu aijo' Tomundo' sampe toka sidu-sidutu'. O Sion, Tumpu nu beleyum balakuasa mo'atu-atuan nu taun. Opuji' na Tumpu!

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 8:6

Panyo nuhangkat nu Belento na ia mompai pokakanamo tiba Tumpu, pinokonanmo nu Belento mahkota' na ia nu sanggo anu talasanggo ka' kaholomatan.

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YESAYA 60:12

Bansa tiba kalaja'an anu madi' mongka'oho' tulut hi beleyum osilakaimo ka' mingkotmo.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YESAYA 9:7

Tumpu nonabu'akonmo hukuman hi aha kalaja'an Israel.

DANIEL 2:35

Tempo'nyomo aitu na patong aijo' i hansun ka' tinimbalimo tambulan nu besak, tano' kun, tambaga, salaka ka' mosoni' anu i hansunmo susumo abu' i tampat pongututan gandum de masingitmo. Tambulan aijo' lewa'mo nu lahabakon nu mombun sahingga madi'mo daagi' ko anu tinontuha'. Panyo batu anu nontuda'mae patong aijo' tinimbalimo dinaka' susumo bungkutnyo ka' nompobuke'imo songko-songko na dunia.

DANIEL 2:37

Anu talasanggo belento Tuanku atina'mo na tomundo' anu molingkudui iwi-iwi' na tomundo'; belentomo Tuanku na anu talalo hondo balakuasa. Tumpu anu kiita' mae i suluga' nombee'imo mae hi belento Tuanku kalaja'an aiya, kakuasa'an, ka' kahosonan ka' mule' katalasanggoan.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 3:4

noloboo'mo hoso-hoson na anu monjagai tomundo' aijo'. “To utu-utus anu lengkat mae hi to bansa-bansa iwi-iwi', tulunan nu bansa ka' mule' basa'! Potombihing mae na palentah nu tomundo' sumo uuka;

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

DANIEL 7:18

Panyo mian anu palesayamo hi Tumpu, Anu Matangkas na Kuasanyo na montalimaje hak da mompalentah ka' pamalentahannyo timbali pin hondo sampe toka sidu-sidutu'.”

DANIEL 7:27

Kakuasa'an tiba katalasanggoan nu iwi-iwi' na kalaja'an i dunia aiya, obee'mo hi mian anu palesayamo hi Tumpu Anu Matangkas na Kuasanyo. Kakuasa'an nu aha mompalentah madi'mo daagi' ko kamingkotannyo ka' mule' iwi-iwi' na anu balakuasa i dunia aiya ta'alukmo ka' mule' tulu-tulutanmo.”

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

LUKAS 1:33

Ka' Ia mompalentah sumo tomundo i katulunan Yakub sidu-sidutu'. Kalaja-Nyo madi' ko kamingkotannyo.”

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

YOHANES 12:34

Mian da'isan aijo' notatae hi Ia, “De koonyo nu Kitab nu Atulan mami, Tomundo' anu Momposalamat tumuu' sidu-sidutu'. Mosia ka' Beleyum timbali montaloakon Anak nu Mian tionyo ohangkat tangka-tangkas i bawo nu dunia? Ihe na Anak nu Mian aijo'?”

YOHANES 3:35

Tuuma mongkalibosi Anak-Nyo, ka' nombee'mo iwi-iwi' na kuasa hi Ia.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.