DANIEL 7:13 - KITAB NU TUMPU ALLA LELE MA'IMAI'

¹³ Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

DANIEL 7:13 ပူးပေါင်းရင်းမြစ်များ

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

MAZMUR 47:5

Ia nompile'iakonmo mae tano' bau baginto da bau pusaka'to, da bau katalasanggoan nu bansa anu Nu kalibosi.

YEREMIA 49:19

Susumo singa nasasubamo mae lengkat i alas anu daka' hondo koko Kaunyo nu Yordan ka' nompanjolongimo padang tampat nu domba lewa' mongotot, sumo aijo'mo na Aku toka mae mompotolokengkeng mian nu Edom sahingga mopalaimo mompala'imo lipu' nu aha. Lantas Aku mompile'imo samian na anu timbali polaya' da mompalentah bansa aijo'. Ihe na timbali bau pompokakanakonan tiba Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

YEHEZKIEL 1:26

Aita' mae i bawo nu anu susumo pinoboloyuk mae, daagi' ko anu pokakana sumo tampat kajojoongan batu nilam na binau ka' aita' suha-suhang daagi' ko anu susumo manusia.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 7:12

Binatang haha aijo' sangga'at ingalamo na kakuasa'annyo, panyo aha daagi' pinobee' tumuu' sampe tokaje mae na tempo'nyo anu tinantukanmo.

DANIEL 7:22

Lapas aijo' Ia anu tumuu' sampe toka sidu-sidutu' tokamo mae lantas mombee'imo kaputusan anu mompototu'u mian anu palesayamo hi Tumpu Allah Anu Matangkas na Kuasanyo. Tinokamo na tempo'nyo aha montalimamo kuasa da mompalentahmo.

DANIEL 7:9

Hau-haunyo aku saja' montonto'i to pia-piangkuka na kadela nu tomundo' pinokokomo. Lantas Ia anu tumuu' sampe toka sidu-sidutu' sinumuhangmo i sala' sa'angu'na kadela nu tomundo' aijo'. Baju'-Nyo ka' bulu nu ubak-Nyo pute' ka' belesi' hondo sumomo ahi' kabu-kabung. Kadela-Nyo aijo' ko loda-lodanyo singkap moak kalana nusuhap nu apu,

DANIEL 8:15

Hau-haunyo aku bala usaha kahanda' da monsumbu' alati'nyo nu anu tinoa aijo', madi' pinin tinuminjomo i ahopku na anu susumo manusia.

MATIUS 13:41

Anak nu Mian monsaije to mala-malaikat-Nyo molimu' miannyo iwi-iwi' anu nonsaduakonmo mian nombau dosa', ka' iwi-iwi' mian sangga'at anu nombau ka'idekan.

MATIUS 24:30

Lapas aijo' tanda Anak nu Mian otoamo aita' i langit. Tempo'nyo aitu iwi-iwi' na bansa i dunia humaangmo. Aha montoamo Anak nu Mian toka aita' i bawo nu kundom tiba kuasanyo anu daka' hondo.

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MARKUS 13:26

Tempo'nyo aijo' Anak nu Mian otoantoje na toka i uno nu sehu' tiba kuasanyo anu daka' ka' kamulia'annyo.

LUKAS 21:27

I tempo'mo aitu na Anak nu Mian toka i uno nu kundom tiba kuasa-Nyo anu o angga'i.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

YOHANES 12:34

Mian da'isan aijo' notatae hi Ia, “De koonyo nu Kitab nu Atulan mami, Tomundo' anu Momposalamat tumuu' sidu-sidutu'. Mosia ka' Beleyum timbali montaloakon Anak nu Mian tionyo ohangkat tangka-tangkas i bawo nu dunia? Ihe na Anak nu Mian aijo'?”

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 5:27

Ia nombee'mo hi Anak-Nyo hak momputusi hukuman, kalana Ia Anak nu Mian.

SISIKON NU TO RASUL-RASUL 7:56

“Toa,” koonyo i Stefanus, “aku nontoamo suluga' tinontuhea'mo ka' Anak nu Mian tinuminjomo i sasu koanan nu Tumpu!”

1 TESALONIKA 4:17

Lapas aijo' kita anu daagi' tumuu' tempo'nyo aitu, hingga-hinggat o hangkat tiba aha i uno nu kundom da mompahakabot tiba Tumpu i langa. Lantas kita jojoongmo hingga-hinggat tiba Tumpu sampe toka sidu-sidutu'.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 2:14

Kalana to mia-mian anu sinanggo-Nyo anak aijo', atina'mo mian anu timbali silaka, jadi i Yesus tinimbalimo pokakana sumo aha ka' tinumuu'mo pokakana sumo mian. Ia nombau sumo aijo', da kalana Ia sinilaka sumo aijo' Ia timbali mohopu'i Ibilis anu mongkuasai kapatean.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

ANU PINOTO'I HI YOHANES 1:13

I totonga' nu tengke nu sulu' haha aijo', tinuminjo na samian o toa sumo mian. Ia nompusok juba' anu komantannyo toka i tengke. I saha'annyo, Ia nompake kukup nu saha'an mosoni' na binau.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 14:14

Lapas aijo' aku nontoamo sa'angu' na kundom anu mopute'. Aita' i kundom aijo' suha-suhang na samian anu otoa sumo mian. I ubak-Nyo daagi' ko sa'angu' na makota mosoni', ka' i lima-Nyo daagi' ko sa'angu' na sabit anu matajom.