DANIEL 7:10 - KITAB NU TUMPU ALLA LELE MA'IMAI'

¹⁰ ka' apu aijo' molele mae lengkat i kadela nu tomundo' ai-aijo'. Momada-madala na mian anu molayani Ia, ka' juta'an nu mian tinuminjomo i ahop-Nyo. Lapas aijo' tinampu'unanmo na nomputusi ka' iwi-iwi' na kitab pinaha buka'mo.

DANIEL 7:10 ပူးပေါင်းရင်းမြစ်များ

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

2 TAWARIKH 18:18

I Mikha po'ule' mule' notatae, “Uuka aiya soba potombihing apaa na anu pinoto'imo nu Tumpu! Aku nontoa Tumpu suha-suhang aita' i kasuhangannyo i suluga', ka' iwi-iwi' na malaekat-Nyo singkapmo tinuminjo koko hi Ia.

AYUB 25:3

Ihe na moko bilang malaekat anu mongatuni kapalaluan-Nyo? Te daagi' ko tampat anu madi' nukona nu jingka-Nyo?

MAZMUR 103:21

O, puji' na Tumpu, o belemiu iwi-iwi' malaekat kiita' i suluga', iwi-iwi' na posaihon-Nyo anu mombau apaa na anu nu kahanda'i.

MAZMUR 18:8

Lantas tano' ginayu'anmo ka' ginenggohanmo, pu'un nu bungkutnyo iwi-iwi' tinolohenggomo ka' ilangkakatanmo kalana Tumpu notambuha'mo.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

YESAYA 30:27

Kakuasa'an tiba Tumpu talasanggo ahi' otoamo aijo' mae majo'o-jo'on. Apu tiba tibuk aijo' bau pomponyata'nyo saba' Ia notambuha'mo. Ia motataemo tiba aha ka' potatae-Nyo aijo' mompapui susumo apu.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

DANIEL 7:22

Lapas aijo' Ia anu tumuu' sampe toka sidu-sidutu' tokamo mae lantas mombee'imo kaputusan anu mompototu'u mian anu palesayamo hi Tumpu Allah Anu Matangkas na Kuasanyo. Tinokamo na tempo'nyo aha montalimamo kuasa da mompalentahmo.

DANIEL 7:26

Lantas mian kopian kiita' isuluga' balagombumo ka' momputusimo da po ule'mo o, ala na kakuasa'annyo ka' mohansunimo ia sampe mingkot.

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

YUDAS 1:14

I Henokh, lee'mo ko popitu'nyo lengkat mae hi Adam, naipuan mae toho'mo nonsisikakon kantumuu'an nu mian haha aijo'. I Henokh notatae, “Toa, Tumpu tokaje mae tiba to mala-malaikatnyo anu susi' i mada-madalannyo

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”

ANU PINOTO'I HI YOHANES 5:11

Lapas aijo' aku nontoa mule'. Aku nohongo potatae nu malaikat i mada-madalannyo ka' mojuta-juta na konjoo'nyo. Aha tinuminjomo nontikubi kasuhangan aijo', ka' opa-opat na malaikat tiba to pola-polaya' haha aijo'.