DANIEL 6:5 - KITAB NU TUMPU ALLA LELE MA'IMAI'

⁵ Panyo gubernur haha aijo' ka' anu montoa pakalaja'an nu to gubernur-gubernur haha aijo' binala usahamo molio kasala'an-kasala'an i Daniel i uno nu pakalaja'annyo salaku pamalentah panyo madi' ahi' kino gunanyo apa-apaa, kalana i Daniel tulu-tulutan ka' madi' tageo' na kinyonyoa ka' mule' madi' la'ip na mokalaja kabai ko kasala'an apa-apaa.

DANIEL 6:5 ပူးပေါင်းရင်းမြစ်များ

ESTER 3:8

Lantas notataemo na i Haman hi tomundo, “O tuumangku Tomundo, daagi' ko sa'angu' na bansa anu sangalasan na adatnyo sinongkomo i propinsi i kalaja'an aiya. Atulan nu adatnyo madi' hondo pokakana tiba to bansa-bansa sangga'at. Aha madi' montuluti iwi-iwi' na Atulan nu Kalaja'an. Jadi lebe ma'ima' belento Tomundo boli ola mompojohok aha yayamo na anu nuka'ima'i nu aha.

MAZMUR 37:32

Mian anu ma'ima' na kinyonyoanyo saja' nu doyoni nu mian anu ma'idek na kinyonyoanyo anu moliomo kasampatan da mompateimo ia.

YEREMIA 29:7

Bakalaja da kokabilahian ahi' na kota' tampat anu pinomboan-Ku belemiu. Balado'a mae hi beleng-Ku bau kapalaluan nu kota' nu belemiu haha atina', kalana de kota' haha itina ma'ima'mo na kantumuu'an nu aha, belemiu suele ma'ima'mo ahi' na kantumuu'an nu belemiu.

1 SAMUEL 24:17

Noko taloakon na i Daud potataenyo aijo', notataemo na i Saul, “Tebeleyumo atina' na i Daud anakku?” Lantas i humangmo na ia.

1 SAMUEL 29:3

To sulu-suludadu nu aha mian Filistin anu daka' na pangkatnyo nontoamo aijo' mae aha lantas ilelekanmo nu aha; “Mian nu Ibrani haha aijo' apaa na nu bau nu aha i aiya?” Tinaaman i Akhis, “Aiya i Daud anu toho'mo binee'an pangkat nokalaja hi Tomundo' Saul nu aha Israel. Ia gagana'mo pinin na jinojoong hi belengku. Salatanmo pe'e ia tinoka sangkut sinaa aiya, ma'isa toho' kino kasala'annyo.”