DANIEL 6:4 - KITAB NU TUMPU ALLA LELE MA'IMAI'

⁴ Salatan tinoamo na pakalaja'an i Daniel talu' lebe ma'ima' nu lingkudui na pakalaja'an nu gubernur-gubernur ka' mule' aha sangga'at anu montoa pakalaja'an nu to gubernur-gubernur. Kalana aijo' kahanda'mo nu hangkat i tomundo' na ia da mongkuasai songko-songko na kalaja'an.

DANIEL 6:4 ပူးပေါင်းရင်းမြစ်များ

KAJADIAN 41:38

Lantas i tomundo notataemo hi aha, “Susa' na kita mohumpak mian sangga'at anu lebe sosok molingkudui i Yusuf, kalana ia nubaya'i nu rok nu Tumpu Allah.”

KAJADIAN 43:18

Salatan aha binoamo i uno nu laigan i Yusuf, nabuhukmo na aha ka' nompotutugakonmo, “Kita binoa mae aiya, kalana doi anu i humpakto i uno nu kalung tempo'nyo kita tinoka mae u'utu. Aha nohakopmo kita madi' sinumbu-sumbu'to, lantas mongala keledainto ka' mompotimbalimo kita posaihon nu aha.”

AMSAL 29:27

Mian anu manonong madi' mongka'ima'i mian anu ma'idek na kinyonyoanyo; mian anu ma'idek na kinyonyoanyo mongka'ideki mian anu manonong.

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 18:23

Panyo, Belento o Tumpu monsumbu' apaa na anu tinanga'anmo nu aha da mompateimo mae aku. Kalana aijo' bolimo mongampuni mae aha; bolimo mohapusi kasala'an nu aha. Dokemo na aha sampe tombahangkangmo. Baumo pa' apaa na obau hi aha kalana notambuha'mo na Belento.”

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 29:7

Bakalaja da kokabilahian ahi' na kota' tampat anu pinomboan-Ku belemiu. Balado'a mae hi beleng-Ku bau kapalaluan nu kota' nu belemiu haha atina', kalana de kota' haha itina ma'ima'mo na kantumuu'an nu aha, belemiu suele ma'ima'mo ahi' na kantumuu'an nu belemiu.

DANIEL 3:8

To pia-piangkuka na aha mian nu Babel nonggunakonmo kasampatan aijo' da monsilakaimo aha mian nu Yahudi.

DANIEL 5:12

Ia talalo hondo pande, ka' pande mule' na mongatun ka' pande mule' na mongalati'i ipion ka' mule monsumbu' lahasia ka' mule' monsumbu' mompopikilakon hahan anu talalo susa'. Sanggonyo i Daniel, panyo sinanggohanmo i tomundo' na ia i Beltsazar. Laga mae na ia. Ia timbali mompoto'i hi belento Tuanku apaa na alati'nyo nu tulisan aiya.”

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

MATIUS 26:4

Aha binasale'mo da mohakopmo i Yesus hoko-hokot, ka' mompatei Ia.

MATIUS 27:18

I Pilatus notatae sumo aijo', kalana ia monsumbu' saba' anu mongkuasai Yahudi nombee' i Yesus hi aha, kalana aha madi' sanang na kinyonyoa nu aha.

LUKAS 20:20

Jadi aha molio kasampatan anu ma'ima'. Aha nonsuu'akon hi mian da montiho susumo mian tobos, ka' monsai mian haha aijo' mompoki-pokilawa apa-apaa hi Yesus da o humpak na kasala'annyo, da aha timbali momboa Ia hi anu ko kuasa ka' pamalentah nu Gubernur.

LUKAS 20:26

Jadi i ahop nu mian da'isan aitu, aha madi' moko ala nohumpak sa'angu' pe'e na kasala'an i Yesus. Aha ola nomohokot ka' binangang i pinontaami-Nyo aijo'.

LUKAS 22:2

Kapala nu to ima-imam tiba gulu-gulu' agama hau-haunyo molio jalan da o patei na i Yesus hoko-hokot, kalana aha nabuhuk hi mian da'isan.

YOHANES 19:4

Lapas aijo' i Pilatus po'ule' mule' nosabat ka' notatae hi mian da'isan aijo', “Toa! Aku nonsabatakonmo i sambiha'-Nyo hi komiu, da osumbu' miu aku madi' nohumpak sa'angu' pe'e na kasala'an hi Ia.”

2 KORINTUS 11:12

Apaa na anu kubau uuka aiya sabole-bole saja' kubau da to “rasul-rasul” sangga'at aijo' madi' ko tanga'an mombuulakon posi butong ka' motatae tukoonyo aha mombau kalaja susumo hi kami.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.

TO MIA-MIAN KOPIAN 14:4

Madi' sinumbu' nu tuumanyo tiba tinanyo na i Simson taalu' Tumpu na nompotimbali i Simson da mombau han aijo'. Kalana, Tumpu moliomo tempo' anu ma'ima' da mompahampateakonmo aha mian nu Filistin. Tempo'nyo aitu mian nu Filistin nongkuasaimo aha mian nu Israel.

1 SAMUEL 12:4

Mian haha aijo' nontaami, “Imadi', madi' toho' belento Tuuma nongala apa-apaa, kabai nongakali, kabai nonsakisa kami; madi' toho' maumo pa' hihe.”

1 SAMUEL 18:14

Ia saja mingkaliangan de mompojalanmo kalajanyo kalana Tumpu na montulungi ia.

1 SAMUEL 22:14

Lantas tinaamanmo i Ahimelekh, “Panyo te ia misa' i Daud kapala nu suludadu nu belento Tomundo' anu mongkapalai suludadu anu talalo hondo tulu-tulutan. Ia monian nu belento Tomundo' ka' anu mongkapalai suludadu, anu monjagai belento Tomundo' ka' anu talalo hondo o angga'i nu mian iwi-iwi' i laigan nu belento Tomundo'.