DANIEL 6:26 - KITAB NU TUMPU ALLA LELE MA'IMAI'

²⁶ Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

DANIEL 6:26 ပူးပေါင်းရင်းမြစ်များ

EZRA 1:3

Ku' amalakon da Tumpu Allah monjagai ka' montoa belemiu anu tinimbalimo mian anu pinalesayamo hi Ia. Belemiu tionyo ahi' minsusule'mo i Yerusalem ka' po'ule'mo pombau Laigan nu Tumpu, Tumpu Allah Israel. Tumpu Allah anu jojoong i Yerusalem.

EZRA 7:21

Iwi-iwi' na anu mongulus doi anu o'una' i kas nu kalaja'an i propinsi Efrat sasu Kinsoban ku palentahkon da maumo pa' apaa na anu nu poita i Imam Ezra anu pande hondo i Atulan nu Tumpu Allah anu mongkuasai suluga' obee' hi ia lia-lia', konjoo'nyo sumo uuka:

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 146:10

Tumpu aijo' Tomundo' sampe toka sidu-sidutu'. O Sion, Tumpu nu beleyum balakuasa mo'atu-atuan nu taun. Opuji' na Tumpu!

MAZMUR 2:11

Sabole-boleh Tumpu na osombah ka' okabuhuk ka' tuluti na palentah-Nyo,

MAZMUR 29:10

Tumpu nongkuasaimo iaba' daka-daka' hondo aijo'mo air bah, Ia binalakuasamo salaku Tomundo' sampe toka sidu-sidutu'.

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YESAYA 9:7

Tumpu nonabu'akonmo hukuman hi aha kalaja'an Israel.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 3:29

Kalana aijo' ku palentah da batu-batu mian i sa'angu' na bansa, tulunan nu bansa kabai basa' iyayamae anu mongalu Tumpu anu nu sombah i Sadrakh, i Mesakh, tiba i Abednego, opado-padot ka' mule' laigannyo ohobo'akon ka' opojadimo tambulan nu anu nopapumo na laigannyo aijo'. Kalana madi' ko pilogot anu moko ala mombau apaa na anu binaumo nu Tumpu aijo'.”

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

DANIEL 7:27

Kakuasa'an tiba katalasanggoan nu iwi-iwi' na kalaja'an i dunia aiya, obee'mo hi mian anu palesayamo hi Tumpu Anu Matangkas na Kuasanyo. Kakuasa'an nu aha mompalentah madi'mo daagi' ko kamingkotannyo ka' mule' iwi-iwi' na anu balakuasa i dunia aiya ta'alukmo ka' mule' tulu-tulutanmo.”

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 1:33

Ka' Ia mompalentah sumo tomundo i katulunan Yakub sidu-sidutu'. Kalaja-Nyo madi' ko kamingkotannyo.”

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

SISIKON NU TO RASUL-RASUL 17:25

Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.

ROMA 9:26

Ka' i tampat pinontaloakonan hi mian, ‘Komiu misa' mian-Ku anu palesayamo,’ i kiijo' to mia-mian haha aijo' osanggoje to ana-anak nu Tumpu anu tumuu'.”

PO'ULE' INGULIT 5:26

Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

IBRANI 12:29

Kalana Tumpunto sumo apu anu montoyo'i.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 4:10

ua-uampulu' ka' opat na to pola-polaya' haha aijo' tolodadupumo i ahop nu mian anu suha-suhang i kasuhangan aijo', lantas monsombahmo Ia anu tumuu' sampe toka sidu-sidutu'. Lapas aijo' aha molumbu'akonmo makota nu aha haha aijo' i ahop nu kasuhangan aijo' ka' notatae,

ANU PINOTO'I HI YOHANES 5:14

Sahingga opa-opat na malaikat haha aijo' nontaami, “Amin!” Ka' to pola-polaya' haha aijo' suele dinumaladupumo ka' nonsombah.

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.