DANIEL 6:22 - KITAB NU TUMPU ALLA LELE MA'IMAI'

²² Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

DANIEL 6:22 ပူးပေါင်းရင်းမြစ်များ

KAJADIAN 40:15

Kalana, aku sabenannyo naipuan mae i hakop ka' pinalaihakon lengkat mae i lipu' nu mian Ibrani ka' suele mule' i aiya, aiya i Mesir madi' toho' aku nombau anu ma'idek padahan pinosoopmo i uno nu talungku'.”

2 SAMUEL 22:7

I uno nu kasansala'anku aku notataemo hi Tumpu aku noloboo'mo hi Tumpu Allah-ngku momoita da otulungi mae. Kiita mae i Laigan-Nyo ihongo-Nyomo na potatengku ka' inginau'-Nyomo apaa na anu tinaeakonku.

1 TOMU-TOMUNDO' 13:28

Tinokannyo na bangke' nu nabi anu lengkat mae i Yehuda aijo' daagi' banda-bandang i jalan tiba keledainyo ka' singa koko hi ia. Singa aijo' madi' nonsa'u keledai aijo' ka' mule' madi' nongkaan bangke' aijo'.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

MAZMUR 118:28

Belentomo na Tumpu Allah-ngku, aku montalima kaseh hi Belento, O, Tumpungku, ku popodaka'mo na Belento.

MAZMUR 26:6

Ku baso'i na limangku salaku bau pontandai madi' kokasala'an, ka' lumajang montikubi mezbah nu Belento, o Tumpu,

MAZMUR 31:14

Iyaya mae daagi'mo ko anu okabuhuk; ihongongkumo na anu monsampobali' mae aku lewa' basisik. Aha binasangaja'mo mongewamo mae aku, ka' binatanga'mo da mompateimo mae aku.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 38:21

Mian anu mombalosi ka'ima'an nu palabuatan ma'idek mongewamo mae aku, kalana aku na mombau ahi' palabuatan anu ma'ima'.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEREMIA 37:18

Lapas aijo' pinokilawangkumo, “Apaa na palabuatanku anu ma'idek hi belento Tomundo kabai hi to mia-mian anu ko pangkatnyo i pamalentahan nu belento Tomundo' kabai hi aha mian da'isan, sahingga nu posoopmo nu belento Tomundo' na aku i uno nu talungku'?

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 6:23

Tumpungku nonsaimo mae malaekat-Nyo nonggintumo nganga' nu singa haha aijo' sahingga aha madi'mo nompoposia aku. Ia nomposalamatmo aku aiya kalana Nu sumbu' na aku aiya madi' ko kasala'an hi Ia ka' mule' hi belento Tuanku.”

DANIEL 6:4

Salatan tinoamo na pakalaja'an i Daniel talu' lebe ma'ima' nu lingkudui na pakalaja'an nu gubernur-gubernur ka' mule' aha sangga'at anu montoa pakalaja'an nu to gubernur-gubernur. Kalana aijo' kahanda'mo nu hangkat i tomundo' na ia da mongkuasai songko-songko na kalaja'an.

DANIEL 6:7

Lapas aijo' nambamo na aha iwi-iwi' nangadap hi tomundo' ka' notatae, “O, Tuanku Tomundo' Darius, higahiakon na belento Tuanku sampe toka sidu-sidutu'!

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

NOMBILANGMO 20:16

ka' kami nongkakasemo hi Tumpu nomoita tulung. Ia nohongomo poitaon mami ka' nonsaimo mae samian na malaekat. Malaekat aijo' nolaya'mo mae kami nosabat i tano' nu Mesir. Uuka aiya kami kiijo'mo i Kades, sa'angu' na kota kiijo' i potempasan nu da'erah nu belento Tuanku.

MATIUS 27:46

Jam totolu' mamalom, i Yesus noloboo' notatae daka-daka', “Eli, Eli lama sabakhtani?” alati'nyo, “O Tumpu Ku, o Tumpu Ku, kadaka' Belento nompala'imo Aku?”

SISIKON NU TO RASUL-RASUL 12:11

Ilapas aitu, atina'je ka' i Petrus tinolo sukap i apaa na anu jinadimo hi ia, lantas ia notatae, “Uuka aiya sinumbu'kumo taalu' i Tumpu totu-totu'u nonsaimo mae malaikat-Nyo da molapasakon aku i kuasa i Herodes ka' lengkat i sangga-sangga'atan anu nubau nu bansa Yahudi hi belengku.”

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 11:33

Kalana bala'iman, sahingga aha nompatundu'mo iwi-iwi' na kalaja'an. Aha nombaumo anu totu'u imata nu Tumpu, sahingga nohumpakmo apaa na anu jinanji'mo nu Tumpu. Ginunggumanmo nu aha na nganga' nu to singa-singa,

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”

1 SAMUEL 26:18

Lantas ia po ule' mule' notatae “Kadaka' belento Tomundo' daagi sabole-bole mololoi' mae aku? Apaamo na kasala'anku?