DANIEL 6:20 - KITAB NU TUMPU ALLA LELE MA'IMAI'

²⁰ Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 6:20 ပူးပေါင်းရင်းမြစ်များ

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

1 TAWARIKH 16:11

Opoita na kahosonan lengkat mae hi Ia, ka' saja' osombah na Ia.

MAZMUR 119:112

Aku ko kahanda' montuluti atulan nu Belento sampe toka i ka'ahenannyo nu kantumuu'anku.

MAZMUR 146:2

Aku mompuji'mo Tumpu i uno nu kantumuu'anku, ka' ku nyanyiakon hi Tumpungku de aku daagi' tutuu'.

MAZMUR 73:23

Panyo aku na sabole-boleh ahi' saja' koko hi Belento Belento na nontoongimo mae limangku koanan.

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

DANIEL 6:16

Lapas mule' mian haha aijo' po ule'mo nangadap hi tomundo' ka' notatae, “O, Tuanku, tionyo ahi' o'inau' nu belento Tuanku na katantuan nu unda-undang nu Media tiba Persia, palentah anu binebakonmo nu tomundo' madi'mo ahi' timbali obabali'i.”

DANIEL 6:19

Lapas aijo' ninsusule'mo na i tomundo' i laigan kajo-kajojoongannyo! Ia madi'mo daagi' nongkaan kabai nongka'oho' ohase'. Ka' mule' sinampahu aijo' ia madi'mo tinohoyot.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

DANIEL 6:27

Ku palentahkon hi iwi-iwi' mian anu jojoong i kalaja'anku da mabuhuk ka' moholomati Tumpu anu nu sombah i Daniel! Ia atina'mo na Tumpu anu tumuu' sampe toka sidu-sidutu', sampe toka isinaa kakiamatan na Ia mompalentah. Kalaja'an-Nyo sabole-bole totinjo. Kakuasa'an-Nyo madi' ko kamingkotannyo.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

NOMBILANGMO 11:23

Tinaaman nu Tumpu, “Apaa kakuasa'an-Ku ko batasnyo? Beleyum sampaje montoa pa' anu Ku taloakon aijo' totu'u kabai madi'!”

LUKAS 1:37

Kalana hi Tumpu madi' ko sa'angu' na madi' tontimbali.”

LUKAS 18:1

Lapas aijo' i Yesus nonsisikakonmo sa'angu' na kantuangan da bau pompotingan anu saja' mombatuki Ia, da aha aja' balado'a, ka' boli mongoa'i susa'.

SISIKON NU TO RASUL-RASUL 6:4

kalana kami kahanda' balado'a da ola saja' mompolele potatae nu Tumpu.”

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

KOLOSE 4:2

Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

YAKOBUS 1:25

Atulan nu Tumpu na'ima'mo hondo ka' ko kuasa mompobebas mian. Ka' mian anu monggulu'i ka' mongintomakon ima-ima' tiba mule' montuluti atulan aijo', ka' misa' ola mohongo lantas okolilimimo, mian anu aijo' apaa na anu nubau nu aha nu balakati nu Tumpu.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.