DANIEL 6:16 - KITAB NU TUMPU ALLA LELE MA'IMAI'

¹⁶ Lapas mule' mian haha aijo' po ule'mo nangadap hi tomundo' ka' notatae, “O, Tuanku, tionyo ahi' o'inau' nu belento Tuanku na katantuan nu unda-undang nu Media tiba Persia, palentah anu binebakonmo nu tomundo' madi'mo ahi' timbali obabali'i.”

DANIEL 6:16 ပူးပေါင်းရင်းမြစ်များ

2 SAMUEL 3:39

Maumo aku aiya tomundo' anu pinile'anmo nu Tumpu Allah, panyo uuka aiya ku oa'i madi'mo ko kahosonan. To ana-anak i Zeruya haha aijo' talalo hondo buhingison. Madi'mo ku poko ala na mompalentah aha. O'amalakon da Tumpu mohukum mian anu toto ide-idek na kinyonyoanyo pokakana tiba apaa na anu lewa'mo binau nu aha!”

AYUB 5:19

De ko balaa' anu montokai mae, saja' beleyum na oposalamat.

AMSAL 29:25

Mabuhuk hi pongka'oho' nu mian, monsaduakon kasusa'an. Palesayamo hi Tumpu, sahingga beleyum madi'mo ko anu mompoposia.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YEREMIA 26:14

Mongkona butongku aiya, memang i unomo nu kakuasa'an nu belemiu da mombaumo maumo ahi' pa' apaa na anu nu kahanda'i nu belemiu.

YEREMIA 38:5

I Tomundo' Zedekia nontaami, “Ma'ima'mo! Baumo na ia yayamo anu nu ka'ima'i aku madi'mo moko ala montewa belemiu.”

YEREMIA 38:6

Lantas ingalamo nu aha na aku lantas pinungumo nu aha ka' inguluakonmo nu kahohon na aku i uno nu bubung, bubung aijo' anu i Malkia anak momo'ane i tomundo' anu kiijo' ipopasan nu laigan i tomundo'. Bubung aijo' madi'mo ko ueenyo, olamo henseknyo jadi aku ninsoopmo i hensek aijo'.

YEREMIA 39:17

Panyo Aku, Tumpu na saidi' mae monjagai beleyum. Beleyum madi' mule' obee' hi to mia-mian anu okabuhuk nu beleyum.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:20

Daagi' subu-subu hondo nobulamo na i tomundo' ka' nambamo lia-lia nontoa liang nu singa.

DANIEL 6:7

Lapas aijo' nambamo na aha iwi-iwi' nangadap hi tomundo' ka' notatae, “O, Tuanku Tomundo' Darius, higahiakon na belento Tuanku sampe toka sidu-sidutu'!

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 25:11

De aku nolanggaimo atulan ka' nombaumo apa-apaa anu pantas o hukum nu hukuman mate, aku sanang na mate. Panyo de pontuuk nu aha madi' totu'u, madi' ko samian pe'e na timbali mombee' aku hi aha. Ku poita o putusi i pomputusian hi Kaisar!”

SISIKON NU TO RASUL-RASUL 25:9

Panyo i Festus mongka'oho' mongala kinyonyoa nu mian Yahudi. Sahingga nompokilawa hi Paulus, “Mongka'oho' na beleyum mamba mokiijo' i Yerusalem da oputusi i kiijo' mae i ahopku mongkona pontuuk haha aijo'?”

ROMA 13:3

Kalana mian anu mombau ma'ima' boli mabuhuk i pamalentah. Ola mian anu mombau anu ma'idek na tionyo mabuhuk. De kita Utus mongindi da kita madi' mongoa'i mabuhuk hi pamalentah, kita Utus tionyo mombau anu ma'ima', sahingga kita Utus o puji'.

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.