DANIEL 6:13 - KITAB NU TUMPU ALLA LELE MA'IMAI'

¹³ nambamo na aha iwi-iwi' nangadap hi tomundo' mongkalak i Daniel. Aha nompoto'imo, “Te misa' belento Tuanku nontekengimo ahi' sulat palentah anu montewa iwi-iwi' na mian, kopinnyo opake na isi nu sulat aijo' tolumpulu' na sinaa na madi' timbali mompotoka poitaon hi sala' samian na pilogot kabai hi manusia, malaingkan ola ahi' samata-mata hi belento Tuanku? Ka' mule' de ihehe na molanggai palentah aijo' saba' ia olumbu'akonmo ahi' i uno nu liang nu singa?” Tinaamanmo i Tomundo', “Memang totu'u, ka' mule' palentah aijo' binaumo unda-undang nu Media tiba Persia ka' mule' madi'mo timbali obabali'i.”

DANIEL 6:13 ပူးပေါင်းရင်းမြစ်များ

ESTER 3:8

Lantas notataemo na i Haman hi tomundo, “O tuumangku Tomundo, daagi' ko sa'angu' na bansa anu sangalasan na adatnyo sinongkomo i propinsi i kalaja'an aiya. Atulan nu adatnyo madi' hondo pokakana tiba to bansa-bansa sangga'at. Aha madi' montuluti iwi-iwi' na Atulan nu Kalaja'an. Jadi lebe ma'ima' belento Tomundo boli ola mompojohok aha yayamo na anu nuka'ima'i nu aha.

DANIEL 1:6

Hi aha olitau haha aijo' kiijo'mo ahi' suele na i Daniel, i Hananya, i Misael tiba i Azarya, iwi-iwi aijo' lengkat mae hi lee' nu bansa Yehuda.

DANIEL 2:25

I Ariokh lia-lia' na nomboa i Daniel da mangadap hi Tomundo' Nebukadnezar lantas i notataemo, “Aku nohumpakmo mian nu Yehuda anu binoamo mae ka' pinojoongmo i sa'angu na tampat, samian na anu moko ala mompoto'i alati'nyo nu ipion nu belento Tuanku.”

DANIEL 3:11

ka' ihehe na madi' montuluti palentah aijo' olumbu'akon i uno nu apu anu hau-haunyo noakmo.

DANIEL 3:12

Panyo to pia-piangkuka na aha mian nu Yahudi anu binee'anmo pangkat mompalentah propinsi Babel, madi' nompajuli palentah nu belento Tuanku. Aha aijo'mo i Sadrakh, i Mesakh, tiba i Abednego. Mian haha aijo' madi' nongka oho' nonsombah to pilo-pilogot nu belento Tuanku ka' madi' suele nonsombah patong mosoni' anu pipinotinjo nu belento Tuanku.”

DANIEL 3:8

To pia-piangkuka na aha mian nu Babel nonggunakonmo kasampatan aijo' da monsilakaimo aha mian nu Yahudi.

DANIEL 5:13

Lia-lia' na i Daniel binoamo mae nu aha nangadap hi tomundo'. Lantas pinokilawamo i tomundo' hi ia, “Beleyumo na i Daniel, mian nu aha Yahudi anu bibinoa mae ka' pinojoongmo i sa'angu' na tampat bibinoa mae nu tuumangku lengkat mae i Yehuda?

SISIKON NU TO RASUL-RASUL 17:7

ka' i Yason nontalimamo aha i laigannyo. Aha iwi-iwi' nolanggaimo katantuan-katantuan i Kaisar nu Roma, kalana aha nontaloakon, koonyo daagi' ko tomundo' sangga'at anu sanggonyo i Yesus.”

SISIKON NU TO RASUL-RASUL 5:29

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.