DANIEL 5:8 - KITAB NU TUMPU ALLA LELE MA'IMAI'

⁸ Mian anu toto pande-pande nokiijo' mo i ahopnyo panyo madi' ko samian pe'e na noko ala nombasa tulisan aijo' kabai nompoto'i alati'nyo hi tomundo'.

DANIEL 5:8 ပူးပေါင်းရင်းမြစ်များ

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

YESAYA 47:9

Panyo ola sasaingoni' i uno nu sansinaa, ohu-ohua' na han aijo' monsainjadi-jadimo hingga-hinggat. Maunyomo ahi' beleyum mompakemo ponsumbu'an tiba do'a-do'a, langkai' nu beleyum tiba anak nu beleyum ohahumbitakonmo ahi' hoso-hoson.

YEREMIA 50:35

Tumpu notatae, “Silakamo na Babel tiba mian da'isannyo ka' to mia-mian anu ko pangkatnyo ipamalentahan tiba aha mian anu toto pande-pande aijo' hi aha!

DANIEL 2:27

Tinaaman i Daniel, “O, Tuanku, madi' ko mian anu ko ilimu' ka' mule' anu ko pangatahuan, topo tahi'i, kabai anu ko ilimu' monsumbu' mandala' na moko ala mompoto'i han aijo' hi belento Tuanku.

DANIEL 4:18

O, Beltsazar uukamo na ipionku. Uuka aiya soba poto'iakon mae na alati'nyo hi belengku. Madi' ko samian pe'e na anu toto pande-pande aiya i kalaja'anku na anu moko ala mompoto'i mae hi belengku, panyo beleyum timbali moko ala kalana beleyum kinuasanmo nu roh nu to pilo-pilogot anu susi'.”

DANIEL 4:4

Aku jojoong tumuu' kopian i uno nu laiganku ka' aku tumuu' sanang.

DANIEL 4:7

Panyo salatan anu topo tahi'i, anu ko pangatahuan, to mia-mian anu ko ilimu', ka' mule' anu ko ilimu' monsumbu' mandala', tinokamo mae sinisikumo na ipionku aijo' hi aha, madi' ko samian pe'e na anu noko ala nontalangkan alati'nyo.

DANIEL 5:15

Mian to pande-pande ka' mule' anu ko pangatahuan nonsobamo no basa' tulisan aiya ka' nompoto'imo mae alati'nyo hi belengku. Panyo madi' pinoko ala sinumbu' nu aha.