DANIEL 5:7 - KITAB NU TUMPU ALLA LELE MA'IMAI'

⁷ Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

DANIEL 5:7 ပူးပေါင်းရင်းမြစ်များ

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

ESTER 3:1

Madi' pinin ilapas na aijo', i Tomundo Ahasyweros nohangkatmo samian sanggonyo i Haman binau perdana mantri. I Haman anak i Hamedata lee' mae i Agag.

NOSABATMO 7:11

Kalana aitu i tomundo nolagamo to mia-miannyo anu pa ilimu' ka' pangatahuanon, lantas aha suele nombaumo sumo aijo' nu ilimu' nu aha.

AMSAL 1:9

kalana pangajalan nu aha haha aijo' montuangimo kalakuan nu beleyum sumomo pombunga-bungai ubak ka' olo' anu lebe mompohandamo ohup nu beleyum.

NYANYIAN ANU TALASANGGO 1:10

Gagising nu beleyum ma'ima' hondo atina' i olot nu palahiasan, gogohong nu beleyum pinohandamo nu lante anu ko mainannyo.

YESAYA 47:13

Beleyum malawemo kalana manjoo'mo na pokinde'. Pokau da toka mae na to mia-mian anu saja' mongkila kila; mian na momposalamat beleyum, aha anu sola'mo nonselidiki iwi-iwi na langit songko-songko, ka' lewa'mo nonggulu'i apaa na alati'nyo nu mandala' toto sa'angu'. Ka' salatan bitu'onmo anu sala'je mae bete' mongkila-kilamo apaa na anu jadi ibutong nu belemiu.

YEREMIA 50:35

Tumpu notatae, “Silakamo na Babel tiba mian da'isannyo ka' to mia-mian anu ko pangkatnyo ipamalentahan tiba aha mian anu toto pande-pande aijo' hi aha!

YEHEZKIEL 16:11

Pinakean-Kumo na beleyum nu mainan, ka' mule' lante' tiba galang.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

DANIEL 1:4

Aha tionyo ahi' to oli-olitau anu madi' ko nodanyo. Aha tionyo ahi' anu tingkai'on ka' anu ko sikolahnyo matangkas, ka' monsumbu' apa-apaa na anu jadi ka' mule' anu pantas ahi' na mokalaja i laigan nu tomundo'. I Aspenas tionyo ahi' mongajan aha mombasa ka' mule' montulis basa' nu aha Babel.

DANIEL 2:2

Kalana aijo' ilaganyomo na anu topo tahi'i, anu ko pangatahuan, to sando-sando ka' mule' to mia-mian anu ko ilimu' da mongalati'iakon ipionnyo aijo'.

DANIEL 2:27

Tinaaman i Daniel, “O, Tuanku, madi' ko mian anu ko ilimu' ka' mule' anu ko pangatahuan, topo tahi'i, kabai anu ko ilimu' monsumbu' mandala' na moko ala mompoto'i han aijo' hi belento Tuanku.

DANIEL 2:48

Lapas aijo' i Daniel binee'annyomo pangkat anu matangkas ka' mule' binee'annyomo manjoo' na palasen anu toto ima-ima', ka' i hangkatnyomo binau gubernur nu Babel, ka' pinojadinyomo mule' kapala anu matangkas mongkapalai aha iwi-iwi' na anu lewa' mombee'i pokinde' i laigan nu tomundo'.

DANIEL 2:6

Panyo de belemiu moko ala ahi' yo belemiu ku bee'ije palasen anu toto ima-ima' ka' belemiu oholomatimo. Soba poto'i mae uuka aiya na ipionku ka' mule' alati'nyo aijo'!”

DANIEL 4:14

Ia notataemo daka-daka', ‘Taa'mo na kau' aijo' ka' paha noso'i na to panga-panga'nyo, solui nahonnyo iwi-iwi' ka' sagakon nabua'nyo. Laa' na to bina-binatang anu lumukut i patunyo ka' mule to tomo-tomonsi' anu mimpeta i to panga-panga'nyo.

DANIEL 5:11

Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

DANIEL 5:15

Mian to pande-pande ka' mule' anu ko pangatahuan nonsobamo no basa' tulisan aiya ka' nompoto'imo mae alati'nyo hi belengku. Panyo madi' pinoko ala sinumbu' nu aha.

DANIEL 5:16

I hongong kuje talu' beleyum timbali mompoto'i iwi-iwi' na lahasia ka' mule' monsumbu' mompopikilakon hahan anu talalo susa' na otutugi. De beleyum timbali mombasa' tulisan aiya ka' mule mompoto'i mae hi belengku pa' apaa na alati'nyo, beleyum ku bee' ije pakean nu kalaja'an sumo juba' anu mingkamumu' tiba olo' mosoni' salaku tanda kaholomatan. Ka' mule' beleyum ku hangkatmo timbali anu balakuasa ko totolu'nyo i uno nu kalaja'anku.”

DANIEL 5:29

Lia-lia' na i Belsyazar nompalentah to paga-pagawenyo da mompopusok hi Daniel Juba' anu mingkamumu' ka' mompo'olo', olo mosoni' i gogohongnyo. Lantas ihangkatnyomo na i Daniel da timbalimo anu balakuasa ko totolu'nyo i uno nu kalaja'annyo.

NOMBILANGMO 22:17

Ku tamboije manjo-manjoo', ka' mombau maumo pa' apaa na nutaloakon nu belento. Tokamo mae, ka' kutukiakon na bansa aijo' da ku hungku'i na aha.”

NOMBILANGMO 22:7

Sahingga nambamo na to pola-polaya nu aha mian Moab ka' Midian aijo' nomboa pontamboi hi Bileam da mongka'oho' na ia mongkutuki aha mian nu Israel. Salatan tinokamo hi Bileam pinotokamo nu aha na potuunon i Tomundo Balak.

NOMBILANGMO 24:11

Uuka aiya beleyum lako'mo pinsusule'mo i laigan nu beleyum! Aku nonjanji'mo da otamboije na beleyum panyo Tumpu madi' nompobee' beleyum mohumpak tambo aijo'.”

1 SAMUEL 17:25

“Toa aitumo mae na ia,” na koonyo nu aha samian ka'samian. “Potombihing na potataenyo mongewamo mae! I Saul tomundo' to nonjanji'mo tukoonyo ihe na mompatei i Goliat obee'i pontamboi manjoo' hondo'. Ka' mule' nu po'soakonmo tiba anaknyo lalangkoyang na mian aijo'. Ka' to utu-utus nu tuumanyo nu mian aijo' opobebasmo i hasin.”