DANIEL 5:5 - KITAB NU TUMPU ALLA LELE MA'IMAI'

⁵ Monti-montiik nontoamo lima nu mian nontulis apa-apaa i pimpi nu laigan anu kajo-kajojoongan nu tomundo' i tampat anu talalo hondo kantoan de nu pense'mo mae nu sulu' sahingga i tomundo' nontoamo mana-manasa.

DANIEL 5:5 ပူးပေါင်းရင်းမြစ်များ

AYUB 20:5

kalame'an nu mian anu ma'idek na kinyonyoanyo ola sasaingoni', ka' kasanangan nu mian anu palaganta ola sangkinihap na mata?

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

YEREMIA 50:43

Salatan nohongo lele aijo' itomundo' Babel madi'mo daagi' noko ala nombau apa-apaa. Ia tinokanmo nu buhuk anu taha-tahahumo, ka' nongoa'imo sakit susumo boune anu kahanda'mo mompohampe anak.

DANIEL 4:31

Aku ma'isa pe'e pinupus na notatae, nohongomo potatae lengkat mae aita' i langit, “O, Tomundo' Nebukadnezar potombihing mae na uuka! Kakuasa'an nu belento salaku tomundo' po ule'mo ingala atina' hi belento.

DANIEL 4:33

Tempo'nyomo ai-aijo' na potatae aijo' kinobukuti'nyomo. Aku, i Nebukadnezar olaa'mo nu aha mian da'isan ka' mongkaanmo hemput susumo sapi'. Butongku nu humpisimo nu dondu'ok, bulu nu ubaku ko mantannyo sumomo bulu nu bonyia', ka' iwi-iwi' na konukungku sumomo konuku nu tomonsi'.

DANIEL 5:15

Mian to pande-pande ka' mule' anu ko pangatahuan nonsobamo no basa' tulisan aiya ka' nompoto'imo mae alati'nyo hi belengku. Panyo madi' pinoko ala sinumbu' nu aha.

DANIEL 5:4

Hau-haunyo monginum aha nompuji-puji'mo patong nu pilogot anu mosoni' na binau, salaka, tambaga, kau' ka' batu.

DANIEL 5:6

Ia inesemo hondo ka' nabuhukmo sahingga bukunyo i lakatnyomo.

DANIEL 5:8

Mian anu toto pande-pande nokiijo' mo i ahopnyo panyo madi' ko samian pe'e na noko ala nombasa tulisan aijo' kabai nompoto'i alati'nyo hi tomundo'.

KOLOSE 2:14

ka' nohapusmo sulat nu samaya' hi kita, anu nompopobuhukmo kita nu atu-atulan anu maboat. Tiba jalan nomposalibmo sulat aijo' i kau' salib, Tumpu nohapusmo iwi-iwi' na kasala'an anu pinokonamo hi kita.