DANIEL 5:29 - KITAB NU TUMPU ALLA LELE MA'IMAI'

²⁹ Lia-lia' na i Belsyazar nompalentah to paga-pagawenyo da mompopusok hi Daniel Juba' anu mingkamumu' ka' mompo'olo', olo mosoni' i gogohongnyo. Lantas ihangkatnyomo na i Daniel da timbalimo anu balakuasa ko totolu'nyo i uno nu kalaja'annyo.

DANIEL 5:29 ပူးပေါင်းရင်းမြစ်များ

ESTER 10:3

I Mordekhai mian nu aha Yahudi aijo' tataap montoongi pangkat anu matangkas panyo i aluknyo ahi' nu kakuasa'an i Tomundo' Ahasyweros. I Mordekhai oholomati ka' nu ka' ima'i nu to mia-mian anu bubu' bansa nu aha. Ia binala usahamo totu-totu'u bau ka' ima'an ka' kamajuan nu bansanyo ka' mule' iwi-iwi' na lee' nu aha.

AMSAL 1:9

kalana pangajalan nu aha haha aijo' montuangimo kalakuan nu beleyum sumomo pombunga-bungai ubak ka' olo' anu lebe mompohandamo ohup nu beleyum.

DANIEL 2:48

Lapas aijo' i Daniel binee'annyomo pangkat anu matangkas ka' mule' binee'annyomo manjoo' na palasen anu toto ima-ima', ka' i hangkatnyomo binau gubernur nu Babel, ka' pinojadinyomo mule' kapala anu matangkas mongkapalai aha iwi-iwi' na anu lewa' mombee'i pokinde' i laigan nu tomundo'.

DANIEL 5:16

I hongong kuje talu' beleyum timbali mompoto'i iwi-iwi' na lahasia ka' mule' monsumbu' mompopikilakon hahan anu talalo susa' na otutugi. De beleyum timbali mombasa' tulisan aiya ka' mule mompoto'i mae hi belengku pa' apaa na alati'nyo, beleyum ku bee' ije pakean nu kalaja'an sumo juba' anu mingkamumu' tiba olo' mosoni' salaku tanda kaholomatan. Ka' mule' beleyum ku hangkatmo timbali anu balakuasa ko totolu'nyo i uno nu kalaja'anku.”

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

DANIEL 6:2

I Darius nombagimo kalaja'annyo sina'atu ka' uampulu' na propinsi ka' toto sa'angu' nu palentah nu samian na gubernur.