DANIEL 5:23 - KITAB NU TUMPU ALLA LELE MA'IMAI'

²³ Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

DANIEL 5:23 ပူးပေါင်းရင်းမြစ်များ

KAJADIAN 14:19

lantas nombalakatimo i Abram, ia notatae, “O' amalakon da Tumpu Allah Anu Matangkas hondo na kuasanyo, anu nompotimbalimo langit ka' tano' mombalakati i Abram!

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

2 TOMU-TOMUNDO' 14:10

Belento Amazia kinobubuunmo kalana belento nompatundu'mo mian nu Edom. Jadi te misa' ka'untungan nu belento nahampate atina' sinukupmo ahi'? Lebe ma'ima' belento atina' me ahi' jojoong i laigan! Apaa na daagi' ko gunanyo lewa' molio palakala anu ola monsilakai butong nu belento ka' mian da'isan anu nu palentah?”

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

AYUB 31:4

Tantu nusumbu' nu Tumpu Allah na anu binaungkumo iwi-iwi'; kolangka-langkasku iwi-iwi' tinoa-Nyomo.

MAZMUR 104:29

De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

MAZMUR 115:16

Langit samata-mata anu nu Tumpu, panyo tano' binee'-Nyomo hi manusia.

MAZMUR 139:3

Belento montoa aku maumo aku mokalaja kabai milawe, Belento monsumbu' iwi-iwi' apaa na anu binaungkumo.

MAZMUR 146:4

De aha silakamo, aha minsusule'mo i tano'; sinaa' aijo' suele iwi-iwi' na tanga'an nu aha madi'mo daagi'.

AMSAL 20:24

Noko tantukanmo nu Tumpu na jalan kantumuu'an nu manusia i dunia aiya; mokonyo aijo' mausia madi' moko ala monsumbu' jalan nu kantumuu'annyo.

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 14:13

Beleyum binalaniatmo da moliba'mo mokiita' ilangit, ka' mompokokomo kasuhangan nu beleyum aita' imandala' mata-matangkas hondo! Nu sangka nu beleyum timbali sumuhang salaku tomundo' aita' ibungkutnyo sasu utara, tampat nu to pilo-pilogot sihuk.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 33:10

Tumpu notataemo i bansa aijo', “Uuka aiya Aku tuminjomo ka' mombaumo apaa pompotoan-Kumo kakuasa'an-Ku.

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

YEREMIA 10:23

O Tumpu, madi' ko samian pe'e na anu mahakuasa timbali montantukan uki'nyo kabai moko ala mosi tantukan jalan nu kantumuu'annyo.

YEREMIA 48:26

Tumpu notatae, “Popalangumo na Moab kalana ia kino bubunmo mae hi beleng-Ku Ia mongkaliade'imo anu ilua'nyomo ka' nu kokojoimo nu mian.

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEHEZKIEL 28:17

Ohup nu beleyum anu ontinganan atina' nonsaduakonmo beleyum sahingga kinobubuunmo ka' kalana beleyum tinalasanggomo atina'mo na nonsaduakon beleyum sahingga pinonga'mo na binalatanga'. Mokonyo aijo' beleyum Ku sapahakonmo itano' ka' Ku pojadimo salaku sonto' hi aha to tomu-tomundo' sangga'at'.’ ”

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:5

Memang beleyum pande na badagang ka' uuka aiya kinayamo hondo, ka' kakaya'an nu beleyum atina' nonsaduakonmo beleyum da kinobubuunmo!’ ”

YEHEZKIEL 31:10

Kalana aijo' Aku, Tumpu Anu Matangkas na Kuasanyo mompoto'imo hi beleyum apaa na anu jadi saidi' mae hi kau' anu tuu'nyo toka-tokamo i kundom aijo'. Kalana de talalomo matangkas, talalomo mule' ahi' mompakabuulon na ia.

DANIEL 11:12

Lapas aijo' ia sanangmo kalana inguntungmo na nahampate ka' kalana nonsilakaimo manjoo' hondo na sampobali' panyo ia madi' ahi' saja'mo balakuasa.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

SISIKON NU TO RASUL-RASUL 17:25

Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.

TO MIA-MIAN KOPIAN 16:23

Daagi' kinosansinaan anu mongkuasai Filistin sinihukmo mombau lamean daka' hondo ka' monsombahkon koloban hi Dagon, pilogot nu aha. Aha lewa'mo nanyanyi, “Pilogoto nompo'untungmo kita kalana nohungku'imo i Simson, aijo'mo sampobali'to!”

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.