DANIEL 5:22 - KITAB NU TUMPU ALLA LELE MA'IMAI'

²² Panyo anaknyo momo'ane aijo'mo belento Tuanku madi' mongka'oho' ta'aluk maumo ahi' nu sumbu' nu belento Tuanku na iwi-iwi' aijo'.

DANIEL 5:22 ပူးပေါင်းရင်းမြစ်များ

2 TAWARIKH 33:23

Panyo madi' pokakana tiba tuumanyo, i Amon madi' mongaku kasala'annyo ka' madi' po'ule' balatobat ka' monsombah Tumpu; ka' mule' ia na lebe baladosa' molingkudui tuumanyo.

2 TAWARIKH 36:12

Ia suele binaladosa'mo hi Tumpu Allah-nyo. Ia madi' mongka'oho' mongakui kasala'an ka' madi' montuluti anu nu poto'i i Nabi Yeremia, anu nompoto'imo potunon nu Tumpu hi ia.

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 14:13

Beleyum binalaniatmo da moliba'mo mokiita' ilangit, ka' mompokokomo kasuhangan nu beleyum aita' imandala' mata-matangkas hondo! Nu sangka nu beleyum timbali sumuhang salaku tomundo' aita' ibungkutnyo sasu utara, tampat nu to pilo-pilogot sihuk.

YESAYA 26:10

Maumo ahi' mian anu ma'idek na kinyonyoanyo saja' o, atun ma'i-ma'ima' panyo ia madi' ahi' monggulu'i apaa na anu sahondo-hondonyo. Maumo ahi' inegara hukum ia saja' ahi' mingkalakuan madi' adin, ka' madi' ka oho' mongakui kakuasa'an nu Tumpu.

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

MATIUS 14:4

Kalana toho'mo i Yohanes nontaeakon sumo uuka hi Herodes, “Madi' timbali beleyum mo'osoa tiba i Herodias!”

MATIUS 21:32

Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.

YOHANES 13:17

De osumbu'mo miu iwi-iwi' aiya, bilahi na komiu de mombau.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”