DANIEL 5:20 - KITAB NU TUMPU ALLA LELE MA'IMAI'

²⁰ Panyo salatan ia tinakabunmo ka' madi'mo nohongo pikilan nu mian sangga'at ka' talalomo binuhingison ia pinobelentimo i kalaja'annyo sahingga ia madi'mo tinala sanggo.

DANIEL 5:20 ပူးပေါင်းရင်းမြစ်များ

2 TOMU-TOMUNDO' 17:14

Panyo Israel ka Yehuda madi' mongka'oho' mohongo. Aha talalo panggaga susumo mompolee' nu aha anu madi' palesaya hi Tumpu, Tumpu Allah nu aha.

2 TAWARIKH 32:25

Panyo kalana ia sinombongmo, ia madi'mo nontalima kase hi Tumpu kalana na'alinmo na ia. Kalana aitu tinambuha'anmo nu Tumpu na Yerusalem ka' Yehuda.

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

NOSABATMO 9:17

Mau mule' sumo aijo', belento daagi' ahi' kobubuun ka' madi' mongka'oho' mompobee' mian anu pinalesayamo hi beleng-Ku mamba.

NOSABATMO 9:7

Pinokilawa i tomundo pa' apaa na anu jinadimo, lantas sinisikmo hi ia, potuu'on nu mian Israel sa'angu' pe'e madi' ko anu i nate. Panyo i tomundo tataap panggaga ka' madi' mongka'oho' mompobee' bansa aijo' mamba.

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

YEREMIA 19:15

koongku Tumpu Anu Mahakuasa Tumpu Allah nu Israel nompoto'imo mae sumo uuka, “Kalana belemiu panggaga hondo, ka' madi' mongka'oho' mohongo-hongo, saba' taalu' Ku potokamo mae ikota' aiya ka' hi iwi-iwi' na kampung anu toto ise-ise' anu minsoop daerah aiya, sinin na balaa' anu memang pinoto'ing-Kumo.”

YEREMIA 48:18

O, mian anu jojoong i Dibon, pintatau'mo mae atina' itampat nu beleyum anu oholomati hondo; ka' suhangmo itano' ka' i abu'. Kalana anu mongidei Moab lipu' nu beleyum atina' tinokamo mae, ka' mohansunimo iwi-iwi' na benteng nu beleyum.

YEHEZKIEL 30:6

Tumpu Anu Matangkas na Kuasanyo notatae, “Lengkat mae i Migdol sasu utara sampe toka-toka i Aswan sasu salatan, iwi-iwi' na anu binasangaja'mo tiba Mesir saidi mae silakamo i uno nu pahampatean. Ka' suludadu nu aha Mesir anu talalo buulon aijo' singkapmo hansun. Aku Tumpu Anu Matangkas na Kuasanyo notataemo.

YEHEZKIEL 31:10

Kalana aijo' Aku, Tumpu Anu Matangkas na Kuasanyo mompoto'imo hi beleyum apaa na anu jadi saidi' mae hi kau' anu tuu'nyo toka-tokamo i kundom aijo'. Kalana de talalomo matangkas, talalomo mule' ahi' mompakabuulon na ia.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 4:26

Malaekat haha aijo' nompalentahmo da tu'o nu kau' aijo' opojohokmo aijo' i uno nu tano'. Aijo' alati'nyo saba' belento Tuanku po ule'mo timbali tomundo' salatan belento Tuanku mongakuimo saba' Tumpu ahi' na mongkuasai songko-songko na dunia aiya.

DANIEL 4:28

Iwi-iwi' aijo' jadimo i butongku Tomundo' Nebukadnezar.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

DANIEL 8:8

Mee' lakinyo aijo' kinodaka-daka'nyomo. Panyo salatan sinukupmo hondo na kakuasa'annyo nopato'mo na tanduknyo anu daka' hondo aijo', lantas i tampat aijo' mule' tinumuu'mo opat na tanduk anu mantan, toto sa'angu' madi' pokakana na nu patui nu tanduk aijo'.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

1 SAMUEL 6:6

Apaa na gunanyo belemiu panggaga susumo tomundo' ka' mian nu Mesir naipuan mae? Boli okolilimi mosia na Tumpu Allah lewa' nombia-biangakon aha sampe aha madi' mo noko ala nombau apa-apaa ka' aha mian nu Israel nu Israel pino bee'mo nu aha nompala'i Mesir.