DANIEL 5:16 - KITAB NU TUMPU ALLA LELE MA'IMAI'

¹⁶ I hongong kuje talu' beleyum timbali mompoto'i iwi-iwi' na lahasia ka' mule' monsumbu' mompopikilakon hahan anu talalo susa' na otutugi. De beleyum timbali mombasa' tulisan aiya ka' mule mompoto'i mae hi belengku pa' apaa na alati'nyo, beleyum ku bee' ije pakean nu kalaja'an sumo juba' anu mingkamumu' tiba olo' mosoni' salaku tanda kaholomatan. Ka' mule' beleyum ku hangkatmo timbali anu balakuasa ko totolu'nyo i uno nu kalaja'anku.”

DANIEL 5:16 ပူးပေါင်းရင်းမြစ်များ

KAJADIAN 40:8

Tinaaman nu aha, “Na'utu pihi-pihi kami nongipimo, ka' madi' ko anu monsumbu' alati'nyo.” Notatae na i Yusuf, “Ola Tumpu Allah na moko ala mompotimbali mian mompoto'i alati'nyo nu ipion. Soba sisik na ipion nu belemiu aijo'.”

KAJADIAN 41:15

Notataemo na i tomundo hi ia, “Aku nongipimo, ka' madi' ko samian pe'e na noko ala nontalangkan poso'nyo. Daagi' ko anu nompolele hi belengku koonyo beleyum na moko ala montalangkan poso'nyo.”

DANIEL 2:48

Lapas aijo' i Daniel binee'annyomo pangkat anu matangkas ka' mule' binee'annyomo manjoo' na palasen anu toto ima-ima', ka' i hangkatnyomo binau gubernur nu Babel, ka' pinojadinyomo mule' kapala anu matangkas mongkapalai aha iwi-iwi' na anu lewa' mombee'i pokinde' i laigan nu tomundo'.

DANIEL 2:6

Panyo de belemiu moko ala ahi' yo belemiu ku bee'ije palasen anu toto ima-ima' ka' belemiu oholomatimo. Soba poto'i mae uuka aiya na ipionku ka' mule' alati'nyo aijo'!”

DANIEL 5:29

Lia-lia' na i Belsyazar nompalentah to paga-pagawenyo da mompopusok hi Daniel Juba' anu mingkamumu' ka' mompo'olo', olo mosoni' i gogohongnyo. Lantas ihangkatnyomo na i Daniel da timbalimo anu balakuasa ko totolu'nyo i uno nu kalaja'annyo.

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

DANIEL 6:2

I Darius nombagimo kalaja'annyo sina'atu ka' uampulu' na propinsi ka' toto sa'angu' nu palentah nu samian na gubernur.

SISIKON NU TO RASUL-RASUL 8:18

I Simon na nontoa saba' lima nu to rasul-rasul pinotiikmo i buan nu ubak nu mian haha aijo', Roh nu Tumpu binee'mo hi aha. Kalana aijo' i Simon nomboa doi hi Petrus ka' hi Yohanes,