DANIEL 5:12 - KITAB NU TUMPU ALLA LELE MA'IMAI'

¹² Ia talalo hondo pande, ka' pande mule' na mongatun ka' pande mule' na mongalati'i ipion ka' mule monsumbu' lahasia ka' mule' monsumbu' mompopikilakon hahan anu talalo susa'. Sanggonyo i Daniel, panyo sinanggohanmo i tomundo' na ia i Beltsazar. Laga mae na ia. Ia timbali mompoto'i hi belento Tuanku apaa na alati'nyo nu tulisan aiya.”

DANIEL 5:12 ပူးပေါင်းရင်းမြစ်များ

MAZMUR 16:3

Ku angga'i hondo na to mia-mian anu susi' i lipu' aiya; anu ku ka'ima'i hondo aijo'mo jojoong hingga-hinggat tiba aha.

AMSAL 12:26

Mian anu manonong lebe mohumpak dale', nulingkudui na sampo bebe'nyo laigan; panyo mian anu ma'idek na kinyonyoanyo mohumpak kasusa'an, kalana gau'nyo anu ma'idek aijo'.

AMSAL 17:27

Mian anu matajom na pikilannyo madi' manjoo' na potatae. Mian anu pande saja' tenda na kinyonyoanyo.

YEHEZKIEL 28:3

Beleyum monsangka au'aitu beleyum lebe pande molingkudui i Daniel sahingga madi'mo ko lahasia anu bisa opohowini hi beleyum.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 1:7

Kapala nu auwan i laigan nu tomundo' nombali'imo sanggo nu aha tinimbalimo: i Beltsazar, i Sadrakh, i Mesakh, tiba i Abednego.

DANIEL 2:26

Sahingga notataemo na i tomundo' hi Daniel anu suele osanggohi Beltsazar, “Timbali na beleyum mompoto'i mae hi belengku ipionku ka' mule' alati'nyo?”

DANIEL 4:19

Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

DANIEL 4:8

Ahennyo tinokamo mae na i Daniel anu osanggohi; Beltsazar susumo sanggo nu pilogot. I Daniel kinuasanmo nu roh nu to pilo-pilogot anu susi'. Sinisikumo na ipionku hi ia, kongku,

DANIEL 5:14

I hongongkumo na beleyum kinuasanmo nu roh nu to pilo-pilogot anu suci' ka' mule' beleyum ko kapandean, ka' mangalati' ka' mule' ko kapandean bapikin anu talalo hondo okahebati.

DANIEL 5:16

I hongong kuje talu' beleyum timbali mompoto'i iwi-iwi' na lahasia ka' mule' monsumbu' mompopikilakon hahan anu talalo susa' na otutugi. De beleyum timbali mombasa' tulisan aiya ka' mule mompoto'i mae hi belengku pa' apaa na alati'nyo, beleyum ku bee' ije pakean nu kalaja'an sumo juba' anu mingkamumu' tiba olo' mosoni' salaku tanda kaholomatan. Ka' mule' beleyum ku hangkatmo timbali anu balakuasa ko totolu'nyo i uno nu kalaja'anku.”

DANIEL 6:3

I Daniel ka' ua'aha na mian sangga'at i hangkatmo da montoa pakalaja'an nu gubernur haha aijo' da i tomundo' boli lugi'.

DANIEL 6:4

Salatan tinoamo na pakalaja'an i Daniel talu' lebe ma'ima' nu lingkudui na pakalaja'an nu gubernur-gubernur ka' mule' aha sangga'at anu montoa pakalaja'an nu to gubernur-gubernur. Kalana aijo' kahanda'mo nu hangkat i tomundo' na ia da mongkuasai songko-songko na kalaja'an.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.