DANIEL 5:11 - KITAB NU TUMPU ALLA LELE MA'IMAI'

¹¹ Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

DANIEL 5:11 ပူးပေါင်းရင်းမြစ်များ

KAJADIAN 41:38

Lantas i tomundo notataemo hi aha, “Susa' na kita mohumpak mian sangga'at anu lebe sosok molingkudui i Yusuf, kalana ia nubaya'i nu rok nu Tumpu Allah.”

2 SAMUEL 14:17

Ku palesaya hondo-hondo na janji' nu belento Tuanku aijo' timbalimo momposalamat aku, kalana belento Tuanku sumomo malaekat nu Tumpu Allah anu moko ala montoa apaa na anu ma'ima' ka' mule' apaa na anu ma'idek. O'amalakon da Tumpu Allah nu belento Tuanku na monjagai mae belento Tuanku!”

YEHEZKIEL 28:3

Beleyum monsangka au'aitu beleyum lebe pande molingkudui i Daniel sahingga madi'mo ko lahasia anu bisa opohowini hi beleyum.

YEHEZKIEL 28:4

Nu pake nu beleyum na kapandean tiba pangalati'an nu beleyum bau pomposihuk halata', mosoni', tiba salaka.

DANIEL 1:4

Aha tionyo ahi' to oli-olitau anu madi' ko nodanyo. Aha tionyo ahi' anu tingkai'on ka' anu ko sikolahnyo matangkas, ka' monsumbu' apa-apaa na anu jadi ka' mule' anu pantas ahi' na mokalaja i laigan nu tomundo'. I Aspenas tionyo ahi' mongajan aha mombasa ka' mule' montulis basa' nu aha Babel.

DANIEL 2:11

Belento Tuanku talalo ahi' mongkahanda'i anu talalo susa'. Madi' ko samian pe'e na anu moko ala, beilako' ahi' to pilo-pilogot, panyo aha na madi' ahi' jojoong aiya hi kita mian.”

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

DANIEL 4:18

O, Beltsazar uukamo na ipionku. Uuka aiya soba poto'iakon mae na alati'nyo hi belengku. Madi' ko samian pe'e na anu toto pande-pande aiya i kalaja'anku na anu moko ala mompoto'i mae hi belengku, panyo beleyum timbali moko ala kalana beleyum kinuasanmo nu roh nu to pilo-pilogot anu susi'.”

DANIEL 4:5

Panyo daagi' kinosampahuan hau-haunyo aku hoyo-hoyot aku nongipimo ka' nontoamo anu mompobata-bata kinyonyoangku.

DANIEL 4:6

Lantas ilagangkumo na anu toto pande-pande kiijo' i Babel da montalangkan mae hi belengku alati'nyo nu ipion aijo'.

DANIEL 5:14

I hongongkumo na beleyum kinuasanmo nu roh nu to pilo-pilogot anu suci' ka' mule' beleyum ko kapandean, ka' mangalati' ka' mule' ko kapandean bapikin anu talalo hondo okahebati.

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

SISIKON NU TO RASUL-RASUL 12:22

Layat anu hau-haunyo mohongo aijo' notatae daka-daka', “Aiyamo na potatae nu tominuat, misa' potatae nu mian!”

SISIKON NU TO RASUL-RASUL 14:11

Salatan mian da'isan nontoa apaa na anu binaumo i Paulus, aha noloboo' i uno nu basa' nu Likaonia, “To pilo-pilogot anu nintatau'mo mae i dunia ninsalungmo sumo mian.”

SISIKON NU TO RASUL-RASUL 16:16

Daagi' kino sansinaan tempo'nyo kami hau-haunyomo namba nokiijo' i tampat balado'an, kami nompahakabotmo tiba samian na boune; ia posaihon. Boune aijo' kinuasanmo nu roh ma'idek anu moko ala mongkila-kila apa-apaa na anu timbali saidi' mae. Kalana moko ala mongkila-kila sisi' nu mian, boune aijo' mombee'i ka'untungan anu daka' hi anu pongalapannyo tambo.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.