DANIEL 5:1 - KITAB NU TUMPU ALLA LELE MA'IMAI'

¹ Daagi' kinosansinaan i Tomundo' Belsyazar nolagamo samadala na mian anu to tangka-tangkas na pangkatnyo da toka mae mongahumi bau-bauonnyo anu talalo hondo talasanggo aijo' ka' lewa monginum anggur.

DANIEL 5:1 ပူးပေါင်းရင်းမြစ်များ

KAJADIAN 40:20

Tinoka tolun sinaa, kakona sinaa kinahampean i tomundo, ia nombaumo bau-bauon anu daka' hondo ka' nolagamo iwi-iwi' na anu ko pangkatnyo. Ia nompalentahkon da anu mongkalesang inumon ka' anu mongkalesang roti, osabatakon mae i talungku' ka' oboa mae hi ahop nu aha iwi-iwi' anu ko pangkatnyo i laigan nu tomundo.

ESTER 1:3

I taun kototolu'nyomo na ia nompalentah, i Tomundo' Ahasyweros nombaumo bau-bauon anu daka' hondo, da molaga iwi-iwi' na anu ko pangkatnyo matangkas tiba to pega-pegawenyo. To tale-talenga' nu Persia tiba Media suele tinoka i bau-bauon aijo', sumo aijo' mule' to gubernur-gubernur tiba to mia-mian anu talasanggo na pangkatnyo kiijo' i propinsi.

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YESAYA 22:14

Tumpu Anu Matangkas na Kuasanyo ka' Anu Daka' na Kuasanyo nanintoamo hi belengku ka' notataemo mae, “Totu-totu'u palabuatan nu aha ma'i-ma'idek aijo' madi'mo daagi' Ku ampuni sampe aha silaka. Aku, Tumpu notataemo.”

YEREMIA 50:35

Tumpu notatae, “Silakamo na Babel tiba mian da'isannyo ka' to mia-mian anu ko pangkatnyo ipamalentahan tiba aha mian anu toto pande-pande aijo' hi aha!

YEREMIA 51:39

Panyo jota nu aha kahanda' mongkaan na tahahumo ahi'. Ku posadiaimo anu okaan na aha, ka' molanguimo aha ka' malintunga'mo na ubak sampe tohoyotmo ka' madi'mo daagi' moko ala mobula.

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

DANIEL 5:30

Pihi-pihimo aijo' na i Belsyazar tomundo' nu Babel aijo' pinatean.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.