DANIEL 4:7 - KITAB NU TUMPU ALLA LELE MA'IMAI'

⁷ Panyo salatan anu topo tahi'i, anu ko pangatahuan, to mia-mian anu ko ilimu', ka' mule' anu ko ilimu' monsumbu' mandala', tinokamo mae sinisikumo na ipionku aijo' hi aha, madi' ko samian pe'e na anu noko ala nontalangkan alati'nyo.

DANIEL 4:7 ပူးပေါင်းရင်းမြစ်များ

KAJADIAN 41:24

Bua'nyo nu gandum anu toto kipa-kipak haha aijo' nolonyomo bua'nyo nu anu koko antoknyo u'uka. Sinisikkumo ohu-ohua' na ipionku aijo' hi to mia-mian anu pande montili'i ipion, panyo madi' ko samian pe'e na noko ala nontalangkan poso'nyo.”

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

MAZMUR 37:35

Aku toho'mo nontoa samian na anu ma'idek na kinyonyoanyo anu mongka'ima'i saja' buulon; ia sumomo ahi' kau' anu molumba' ka' bakatnyo naleengmo.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YEHEZKIEL 31:3

Beleyum sumomo ahi' lontio' nu Libanon anu ma'ima' hondo manjoo' na panga'nyo anu tambok hondo na honnyo ka' ma'ima'. Batangnyo hodi' ka' maloloyuk mokiita' tuu'nyo toka-toka i kundom.

DANIEL 1:4

Aha tionyo ahi' to oli-olitau anu madi' ko nodanyo. Aha tionyo ahi' anu tingkai'on ka' anu ko sikolahnyo matangkas, ka' monsumbu' apa-apaa na anu jadi ka' mule' anu pantas ahi' na mokalaja i laigan nu tomundo'. I Aspenas tionyo ahi' mongajan aha mombasa ka' mule' montulis basa' nu aha Babel.

DANIEL 2:10

Topo ilimu' haha aijo' nontaamimo, “I songko-songko' na dunia madi' ko samian pe'e na anu moko ala mompoto'i apaa na anu nu kahanda'i nu Tuanku aijo'. Ka' ma'isa toho' ko samian na tomundo' mau mosiamo na kodaka'nyo na kakuasa'annyo ka' mule' katalasanggoannyo na pagala montuntut han anu sumo aijo' hi anu topo tahi'i, hi anu kopangatahuan ka' mule' hi to mia-mian anu ko ilimu' i laigan nu tomundo'.

DANIEL 2:27

Tinaaman i Daniel, “O, Tuanku, madi' ko mian anu ko ilimu' ka' mule' anu ko pangatahuan, topo tahi'i, kabai anu ko ilimu' monsumbu' mandala' na moko ala mompoto'i han aijo' hi belento Tuanku.

DANIEL 2:7

Tinaaman mule' nu aha, “De timbali da belento Tuanku mompoto'i pe'e mae ipion aijo' hi kami, lapas aijo' otalangkanje mami na alati'nyo.”

DANIEL 3:8

To pia-piangkuka na aha mian nu Babel nonggunakonmo kasampatan aijo' da monsilakaimo aha mian nu Yahudi.

DANIEL 4:18

O, Beltsazar uukamo na ipionku. Uuka aiya soba poto'iakon mae na alati'nyo hi belengku. Madi' ko samian pe'e na anu toto pande-pande aiya i kalaja'anku na anu moko ala mompoto'i mae hi belengku, panyo beleyum timbali moko ala kalana beleyum kinuasanmo nu roh nu to pilo-pilogot anu susi'.”

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

DANIEL 5:8

Mian anu toto pande-pande nokiijo' mo i ahopnyo panyo madi' ko samian pe'e na noko ala nombasa tulisan aijo' kabai nompoto'i alati'nyo hi tomundo'.